影片
更多
2022-12-02
40 瀏覽
《居酒屋·姫 - 尖沙咀》尖沙咀近年真係多咗好多日式嘅食店，早排朋友招待我去天文臺道附近嘅一間居酒屋飲下酒食下小食😎店舖個氛圍令人有去左日本小店既感覺，都幾chill架，我哋兩個人叫咗四樣嘢食，都係一啲平時好少喺日式餐廳食到嘅料理，感覺幾特別😌💁🏻♀️巴馬火腿軟殼蟹野菜沙律卷 $102Parma Ham 加上香脆既軟殻蟹整成既沙律卷，火腿咸香味十足，夾住酥香既軟殼蟹同埋新鮮爽脆既蔬菜，一啖咬落去有多層不同既口感，出面既醬汁酸酸地既解膩又幫助開胃😋💁🏻♀️沖繩苦瓜煮白鰻魚 $108煮熟左既苦瓜味道先苦後甘甜，咬落香軟無渣，配埋雞蛋食更顯出苦瓜既鮮甜，而煮鰻魚既口感同味道都同平時既蒲燒鰻魚好唔同，呢個煮法反而帶出到本來鰻魚既原味，廚師應該有特別處理過鰻魚，因為平時屋企煮既時候，隱約都會有少少泥味或魚腥味，呢度既鰻魚食落又唔覺有咼，反而有少少鮮甜💁🏻♀️長芋千切配柚子寒天 $58長芋其實即係淮山，切成條狀後更容易掛汁，柚子寒天酸酸地令成件事好清新爽口，成道菜式層次分明，送酒一流💁🏻♀️醬油漬冷製鵝肝 $158呢道菜係我最鍾意的，鵝肝口感入口綿密，醬油令到件鵝肝更香濃細滑，食完個口仲有陣陣甘香
尖沙咀近年真係多咗好多日式嘅食店，早排朋友招待我去天文臺道附近嘅一間居酒屋飲下酒食下小食😎店舖個氛圍令人有去左日本小店既感覺，都幾chill架，我哋兩個人叫咗四樣嘢食，都係一啲平時好少喺日式餐廳食到嘅料理，感覺幾特別😌
💁🏻♀️巴馬火腿軟殼蟹野菜沙律卷 $102
Parma Ham 加上香脆既軟殻蟹整成既沙律卷，火腿咸香味十足，夾住酥香既軟殼蟹同埋新鮮爽脆既蔬菜，一啖咬落去有多層不同既口感，出面既醬汁酸酸地既解膩又幫助開胃😋
💁🏻♀️沖繩苦瓜煮白鰻魚 $108
煮熟左既苦瓜味道先苦後甘甜，咬落香軟無渣，配埋雞蛋食更顯出苦瓜既鮮甜，而煮鰻魚既口感同味道都同平時既蒲燒鰻魚好唔同，呢個煮法反而帶出到本來鰻魚既原味，廚師應該有特別處理過鰻魚，因為平時屋企煮既時候，隱約都會有少少泥味或魚腥味，呢度既鰻魚食落又唔覺有咼，反而有少少鮮甜
💁🏻♀️長芋千切配柚子寒天 $58
長芋其實即係淮山，切成條狀後更容易掛汁，柚子寒天酸酸地令成件事好清新爽口，成道菜式層次分明，送酒一流
💁🏻♀️醬油漬冷製鵝肝 $158
呢道菜係我最鍾意的，鵝肝口感入口綿密，醬油令到件鵝肝更香濃細滑，食完個口仲有陣陣甘香😋超級滿足
*而家預約晚飯時間，即享有八五折優惠，九點後入座七五折優惠！（飲品及酒類不計）
張貼
