影片
更多
2018-04-13
132 瀏覽
天星碼頭高級街邊小食白胡子炸魚薯條 White Beard fish n Chips 位於天星碼頭嘅7號碼頭，位置尚算方便，最舒服就係等着下班去尖沙咀嘅船，坐係佢哋嘅吧枱度食著fish n chips 咁chill下。至於有乜嘢好食喎，我就有以下幾樣野推介。話明衣間係Fish n chips bar,就一定要試吓佢哋嘅招牌炸魚薯條, signature Fish and Chips- HKD68佢哋用嘅鱈魚，食落去唔會有雪味，反而係清淡嘅海鮮味。薯條好厚身，外脆內軟，但係冇咗係外國食慣咗嘅濃香嘅牛油味。店內亦都有鹽、黑椒同英式醋提供，至於幾多點嘅醬料就要額外買。鮮榨檸檬汁 Fresh Press Lenonade HKD22食完啲咁油膩嘅嘢梗係要嘆番杯檸檬汁，解膩吖嘛。一杯典型卻少見即叫即榨嘅檸檬汁。好酸，好正。啤酒生炸蠔 Beer Battered Oyster3隻 48HKD三隻用啤酒輕微醃過嘅大蠔，上刀山，落油鑊。雖然望落去似係medium size，但你一食落去就知道，佢濃郁嘅蠔味，啤酒味係好淡，甚至食唔出但係佢哋用啤酒醃完之後，辟左陣蠔本身嘅怪味。信我三舊係唔夠。總括嚟講，
白胡子炸魚薯條 White Beard fish n Chips 位於天星碼頭嘅7號碼頭，位置尚算方便，最舒服就係等着下班去尖沙咀嘅船，坐係佢哋嘅吧枱度食著fish n chips 咁chill下。
至於有乜嘢好食喎，我就有以下幾樣野推介。
話明衣間係Fish n chips bar,就一定要試吓佢哋嘅招牌炸魚薯條, signature Fish and Chips- HKD68
佢哋用嘅鱈魚，食落去唔會有雪味，反而係清淡嘅海鮮味。薯條好厚身，外脆內軟，但係冇咗係外國食慣咗嘅濃香嘅牛油味。店內亦都有鹽、黑椒同英式醋提供，至於幾多點嘅醬料就要額外買。
鮮榨檸檬汁 Fresh Press Lenonade HKD22
食完啲咁油膩嘅嘢梗係要嘆番杯檸檬汁，解膩吖嘛。一杯典型卻少見即叫即榨嘅檸檬汁。好酸，好正。
啤酒生炸蠔 Beer Battered Oyster
3隻 48HKD
三隻用啤酒輕微醃過嘅大蠔，上刀山，落油鑊。雖然望落去似係medium size，但你一食落去就知道，佢濃郁嘅蠔味，啤酒味係好淡，甚至食唔出但係佢哋用啤酒醃完之後，辟左陣蠔本身嘅怪味。信我三舊係唔夠。
總括嚟講，依個價錢係遊客區黎食，算係咁。會令到你諗翻起，係外國生活過嘅日子。
最後請大家注意餐牌剩係得英文，以上嘅菜式名同埋餐廳名，都係由作者嘗試以最合適嘅字去翻譯，不能作準。btw店員都係講英文。
張貼
