古今二 (觀塘工業中心)

營業中

休息中

今日係HAPPY FRIDAY，緊係要約埋同事LUNCH出去食HAPPY下啦。古今二之前都聽過唔少介紹，但因為離公司有點距離一直都無機會試。今日我地決定對腳行快啲走去食。一去到發現都幾多人，天氣熱餐廳新出左個蕎麥面套餐，因為我地想試下其他野，所以叫左一個蕎麥面套餐加其他單點野食SHARE。蕎麥面套餐包括左6款壽司同一碗蕎麥面，壽司款款都好食同新鮮，蕎麥面質好彈牙，係我中意既口感，有時天氣太熱無胃口，呢個清涼既套餐岩岩好，好開胃。我地仲單點左，芝士年糕, 芝麻雞翼, 雞軟骨串燒, 雞腿肉串燒同忘不了你卷物。值得一礸既係芝麻雞翼好好食，入晒味，外脆內軟。忘不了你內包有芒果,炸豬扒同芝士，上面加上好多既沙律醬，中意食沙律醬既唔好錯過，真係好食到一口接一口。