烏蠅館 (已搬遷) 新店位置

呢排天氣開始轉涼, 即刻就唸起熱辣辣香噴噴既烤魚, 收工立即彈閘衝去呢間出晒名既烤魚店!🏃🏼‍♀️🏃🏼‍♀️一坐低就即刻叫咗泡椒多寶魚($228), 其餘嘢食之後至慢慢揀, 天氣一開始涼, 個人就特別容易肚餓, 所以就決定叫啲飽肚啲既填飽個肚, 兩個人叫咗一碟四川寬粉($28), 一碟四川土豆粉($28) 同埋一碟自家制韭菜餃($68), 另外叫咗一杯玫瑰蜂蜜($18)同埋一杯檸檬碟豆花($18)落單時店員話烤魚會送埋3款配料, 今日送既係雲耳, 金菇同埋蘿蔔!首先飲品率先登場, 碟豆花又真係幾靚~ 另外玫瑰蜂蜜真係有玫瑰花瓣喺入面架喎, 有啲天然玫瑰花既味道, 唔係藥水味!👍坐咗一陣條烤魚話咁快就送到, 即刻試試佢先! 估唔到條多寶魚都幾厚肉! 肉質結實, 一啲都唔削, 喺咁濃既泡椒湯底浸住依然可以食到好香既魚味! 💯💯💯食到咁上下其他食物開始送到啦, 兩碟粉絕對唔係市面其他店舖嗰種體驗版, 啜兩啖就冇晒嗰隻! 份量十足! 口感好煙韌, 索晒啲湯汁! 韭菜餃烚完啲皮都唔會爛晒, 一啖咬落去成個口都充滿住韭菜香! 🤩值得一提既係, 佢地加湯唔係加水, 亦唔係加上湯, 泡椒湯底就真係加番嗰隻