Cafe Charm's (已結業)

整體不錯，但自己見到呢間係open rice 咁多好評，抱太大期望。店面算大，可以容納好多枱，一入去位置尚算寛敞，但再入長廊的枱明顯太密，望落比較太暗，似上樓cafe多d, 本身鐘意光線充足，所以唔太like因為只有all day breakfast包咖啡，婆仔如我就緊係叫All day brwakfast入面的Egg Benedict, 本人去親cafe店，如果有，就一定係點呢個。黎到個蛋尺寸有d細，但味道唔錯，唔酸，而且個包烤的幾好，唔會乾澄澄，薯條都好食。雖然我點smoked salmon佢俾bacon我，但好彩我都ok bacon. 咖啡叫左杯Flat White,味道正常。老公點左和牛漢堡加1664 Blanc，係等得耐左d,味道ok.當日係紅日假期，但負責傳菜招呼客人的只有一位哥哥,仲見到位廚房拎野出黎的人叫佢快d轉菜俾客。另有一位女員工唔知係咪早左到但冇員工休息室俾佢hea。佢就咁hea左係我隔離枱聽歌玩電話，期間仲有d唔識做的客人叫佢去埋單，我見佢走去埋數機篤番張單出黎時面色唔係咁好睇....一路睇到尾的我感覺好怪異。總括而言呢間食物唔錯，但環境同服務麻麻，應該唔會番去