相馬日式火鍋 (已結業)

前幾日去咗朋友火炭嘅屋企，玩咗成日勁快就天黑夜晚，去咗附近呢間相馬火鍋打邊爐❗️天氣凍打邊爐真係好正😳甜豉油♨️♨️六款湯底入面，我就揀咗呢個甜豉油湯底，味道真係唔錯啊，好香嘅豉油味又帶點甜甜地。蔬菜♨️♨️通常食肉前，我都會食啲菜打下底，呢道菜嘅選擇都好多種類，其實而家出面食菜都幾貴 😂，即刻放晒我最鍾意嘅生菜、粟米同蕃茄😋美國特選牛肩胛♨️♨️唔知大家鍾唔鍾意食牛呢？我自己就係冇牛肉不歡嘅人，所以呢到嘅牛好滿足到我呀！因為佢哋個牛肉味道真係超級香，好少食到咁濃嘅牛肉味。優質雞腿肉♨️♨️除咗牛肉好食之餘，呢到嘅雞髀肉都好一流！因為食落個肉質真係嫩嫁👍🏻