京林屋 (明宮閣) (已結業)

雖然天氣凍，但都無阻食冰既心☺️，夏天又要食冰冬天更加要食冰，同唔同意先😂？京林屋愈開愈多，仲進駐埋太古，住附近既朋友就方便啦，地方比銅鑼灣店寬敞啲，坐得舒服啲。司令又係食佢地既雪山🍧，大大份配埋一球抹茶雪糕同抹茶醬🍵，自己一個食曬都easy job啦。焙茶芝士蛋糕($88)另外仲試左幾款甜品，焙茶既芝士蛋糕都係第一次食，焙茶味幾香。黑蜜牛乳芭菲($88)口味相對其他甜品會偏甜少少，唔食抹茶類既可以一試。