德興酒家 (已結業)

星期六晚（９／１１）見天氣涼涼地就去吃火鍋，本來諗住去新星吃自助火鍋，但原來九點後先有，唯有轉去德興自助火鍋。七點半上到去拎坐，佢話要成八點半先有位，咁我同男友就落街行陣先，八點二上番去，點知佢話剛入左一批，我地過左票。之後我地拎過張票，佢話你地九點半再返黎啦，但我地坐左係度等，點先八點半佢叫我地號碼話有抬。好彩冇聽佢講九點半先返黎，如果唔係又過左張票。唉．．．個知客真係唔掂．．．我地點了雪耳雪梨蘋果湯底，先後點了墨魚滑、牛肉滑、鯪魚滑、鱔片、脆骨腩、肥牛、羊肉片、鴕鳥肉、滑雞片、花膠仔、牛脷、皇帝菜、白菜仔、粟米、炸魚皮、帶子片、花枝片、冬菇、金菇、枝竹、腐竹、午餐肉。食物份量會因應人數作出改變，所以兩個人就細碟。味道一般，我嫌肉滑有點”虛”，好似一pat野咁。滑雞片太碎。最後好飽，吃剩了一些。