影片
更多
2022-06-15
114 瀏覽
天氣開始熱，食完正餐最好就梗係食返個冰凍既甜品解解暑，嚟返個happy ending❤️正餐係登龍街食，咁就好順便咁諗起街角一間白雪雪裝修既泰國甜品Cafe,依間刨冰係我近幾次去泰國都必食嘅，香港開左，一來可以止止癮，二來佢憑住靚靚嘅外觀，推介下朋友一試去打卡都無妨😚其實今次幫襯之前，我都經過過佢舖頭好幾次，不論平日假日，每次都總有一條人龍在門口等候…老實講，我並不太鐘意排隊，尤其係夏天🥵不過我家有個為咗食佢鐘意食嘅野嘅傻先生，佢係會說服我一齊同佢排…好，適逢當日小女子心情靚，而且見條隊排隊人數尚可接受，目測大概有10個鬆啲嘅人排梗，所以我哋兩個就跟入了隊尾，一邊期待一邊討論我哋要點邊一款刨冰🤤由於傻先生係泰國無品嘗過，所以我一定係推介佢食芒果糯米飯刨冰 (未試過嘅朋友真係諗都唔好諗，第一次必食之選!!) 但傻先生永遠係鐘意同我唱反調，佢話要食泰式奶茶味…你話係咪激氣吖，不過傻先生都係位好就得人嘅男朋友😏都未輪到我哋點餐，我哋已經有最後決定 - 芒果糯米飯刨冰🥳🥳🥳係依個決定唔超過5分鐘，有個店員開始出嚟問入座人數，同埋一次過宣布「芒果糯米飯刨冰售罄！」WHAT?!!😨😨其實係過程中，我
正餐係登龍街食，咁就好順便咁諗起街角一間白雪雪裝修既泰國甜品Cafe,依間刨冰係我近幾次去泰國都必食嘅，香港開左，一來可以止止癮，二來佢憑住靚靚嘅外觀，推介下朋友一試去打卡都無妨😚
其實今次幫襯之前，我都經過過佢舖頭好幾次，不論平日假日，每次都總有一條人龍在門口等候…老實講，我並不太鐘意排隊，尤其係夏天🥵不過我家有個為咗食佢鐘意食嘅野嘅傻先生，佢係會說服我一齊同佢排…好，適逢當日小女子心情靚，而且見條隊排隊人數尚可接受，目測大概有10個鬆啲嘅人排梗，所以我哋兩個就跟入了隊尾，一邊期待一邊討論我哋要點邊一款刨冰🤤
由於傻先生係泰國無品嘗過，所以我一定係推介佢食芒果糯米飯刨冰 (未試過嘅朋友真係諗都唔好諗，第一次必食之選!!) 但傻先生永遠係鐘意同我唱反調，佢話要食泰式奶茶味…你話係咪激氣吖，不過傻先生都係位好就得人嘅男朋友😏都未輪到我哋點餐，我哋已經有最後決定 - 芒果糯米飯刨冰🥳🥳🥳
係依個決定唔超過5分鐘，有個店員開始出嚟問入座人數，同埋一次過宣布「芒果糯米飯刨冰售罄！」WHAT?!!😨😨其實係過程中，我心裏極度不爽，不斷碎碎唸…有咩理由signature都會無哂(當時都只係下午時段) 算啦，講到依到都係想提醒大家最好排隊前都要有依個心理準備。當我知道之後，我一度都係想放棄繼續排，打算下次再食。其實放棄嘅原因除左係無左最期待嘅味道啦，二來係佢定價都偏貴，甚至比同區另一間出名日本刨冰買要貴🤭所以值唔值得，就見仁見智喇
出得依個食評，即係我最後都有幫襯到啦😌
我哋order左🍨泰式奶茶刨冰 $138
價錢確實比我預期中高，不過餐廳勝在無最低消費，即係話兩個人淨單點一份冰都可以，亦都無額外加一👍🏼
刨冰到左，每一枱當然都係相機食先，我都無例外，依part都係值得讚賞嘅。除咗餐廳用白色牆為主令到食客更容易影到靚相之餘，最重要係個冰都keep到泰國水凖 - 唔易溶！👍🏼我哋影相都玩左好幾分鐘，玩完都依然完整無缺，到食落口都唔覺得係得返水狀！
味道方面，泰式奶茶一直比我感覺都係香料味偏重，較甜。幸好，依個冰嘅比例都調得不錯，每一口都嘗到淡淡茶味之餘，食完又唔會覺得太甜👍🏼食到底部，裏面會有一些仙草凍同類似麵包粒??仙草個味道發揮正常，但麵包粒就….已經淋哂又硬，同個冰格格不入😟如果依個麵包稍作加工，加點蜂蜜再去烘焙一下，味道同口感應該會大大提升🤤
小總結：會再想比多次機會食芒果糯米飯刨冰，不過如果都係售罄，我就未必會想去試其他口味了，當然唔需要排隊的話，倆口子一齊去食個甜品開心下OR相約兩三個閨蜜一齊過一個下午都不失為一個好選擇👭
泰式奶茶刨冰
$138
10 瀏覽
0 讚好
0 留言
張貼
