昭拍耶2 (已結業)

九龍城出名食泰國菜，試過唔少，有高級點嘅坐得比較舒服(當然都貴啲)，亦有近啲大排檔嘅平價版。呢間幫襯過幾次，就因為佢係介乎兩者之間，怪不得佢係咁熱嘅天氣都咁多人專登訂埋枱嚟幫襯。個餐牌嘅第一個類別就係沙律，加上咁熱，就選擇唔叫湯而叫個沙律試下(記得試過佢啲湯都好足料下)，揀個少有啲嘅茄子沙律，茄子砌段再配啲新鮮生菜，加點車厘茄同甘荀絲，看似好簡單嘅製法，但凍凍的，夠清新。近日愛食蝦餅，又試下......好正常嘅水準，仲有青瓜清清熱，但食落就唔夠前幾日食嘅另一間好味，有點炸得太熱氣。到串燒，有半打同一打揀，兩個人就當然叫半打就夠，有豬同雞，我吔就揀咗每款一半，肉質正常，唔會好乾，本身燒嘅時候已經有加辣味，再配埋個沙嗲醬就更惹味。幾十蚊而又唔係幼幼一串，算抵食。　　我吔冇叫炒粉麵，就揀咗個咖喱配白飯，佢嘅汁好香，好夠味之餘又唔會好重我唔鐘意嘅椰汁味，啱哂只係食到少辣嘅人。份量嚟講以咁嘅價錢算係唔錯。