八番屋 (已結業)

天氣真係好熱，我同朋友都好想食冷麵，入去八番屋就揀冷麵食。1)七彩冷麵青瓜絲、火腿絲、蟹柳、蝦、筍絲。材料豐富得黎，麵質爽口又彈牙。冷麵汁係好開胃，酸酸甜甜帶梅子味，好食。加配紫菜3片、泡菜。飲品柚子梳打，有汽嘅柚子梳打，唔係咁甜，好正。2)艾蒿冷麵（日式炸雞球3件）炸雞球，外皮香雞肉都唔乾。艾蒿冷麵香味清新，口感好彈牙，而且有益。食冷麵時連同附上醬油一拼大口食，食落涼浸浸真係暢快。加配紫菜3片、泡菜。飲品菠蘿乳酸梳打，菠蘿嘅香甜連帶微微乳酸，呢杯梳打唔錯。3)櫻花福餅顏色好靚，甜度適中，表面嘅花花帶梅子味。4)牛乳奶凍滑溜嘅奶凍，唔太甜，牛乳味濃。