Häagen-Dazs (已結業)

Häagen-Dazs早前成日都做優惠，經常買一送一，不過我自己就少喺鋪頭食。其實超市、便利店都成日做特價，有時寧願買杯裝番屋企慢慢食。Häagen-Dazs家嘅雪糕大部分口味我都好鐘意食，連之前推出有一部分人話好似handcream味嘅花味雪糕我都好鐘意，哈哈。不過早前登記某app，得到一張50蚊現金券，所以是日就喺v city分店用左佢。基本上佢地所有雪糕一係就唔到50蚊，一係就超過50蚊要補少少錢，所以我都唔知到底送張現金券俾我，令我去食雪糕，仲要自已補錢，到底成件事係有冇著數，揀黎揀去，決定揀呢種固定款式，補左十幾蚊。包兩球雪糕，面頭有塊窩夫餅、忌廉，中間有幾塊蛋白餅，都叫做有少少造型，冇齋食雪糕咁寡。呢隻雪糕圖片睇起黎係固定口味，問過店員，佢話兩球都可以自由選擇，我就揀左焦糖脆脆、香檸雪菓，一球比較厚滑，另一球比較接近雪芭。焦糖脆餅係 all time favourite，檸檬雪芭都係偏甜，怕酸嘅人都唔洗驚，應該唔會抗拒。