辣妹

營業中

休息中

今日突然凍咗幾度，着唔夠衫，好想食辣嘢暖身，就去咗公司樓下新開嘅辣妹度食。餐牌簡單易明，有酸菜，水煮，上湯同蕃茄系列。仲有各式小食，包括炸物及涼伴。另外仲可以揀自選粉麵。有辣有唔辣，任君選擇。酸菜魚配特色火鍋粉$78 + $15 配凍桂花綠茶：火鍋粉煙煙韌韌好啱我口味。酸菜惹味。魚片爽滑新鮮，份量都唔少。炸章魚丸（$38）：朋友鍾意食香口嘢，所以叫咗呢個。真係有章魚粒喺入邊㗎。手拍青瓜拌海蜇（$36）：海蜇充滿水份，好彈牙。青瓜爽脆。涼拌萵筍（$32）：佢有醋喺入邊做調味，酸酸辣辣好開胃。萵筍爽口新鮮。金鳳烏龍茶（$25）：烏龍茶冇澀味，解油膩感。