櫻花樹下 (已結業)

新北江可以話係天水圍人搵食嘅熱點，小舖林立下總有一間啱你口味，今日想食日本嘢就來到了櫻花樹下。自從搬左新舖後都未黎過，新舖闊落好多坐得更舒服，亦多左好多嘢食，餐廳播放住MIRROR嘅歌，令心情更好。我地兩個人叫左一個鍋、一個小食同一個沙律。角切雜錦魚生沙律 :魚生有三文魚、油甘魚、希靈魚及蟹籽，每樣都好新鮮，配上青瓜絲及椰菜絲，再撈埋日式芝麻醬，天時暑熱食感覺份外清新。蟹肉忌廉薯餅 :薯餅可以逐件叫，即叫即炸上檯時熱辣辣，食落口感外脆內軟，蟹肉忌廉餡料好creamy。壽喜牛肉鍋 :有四款湯底可以選擇，我地揀左豬骨湯，除左牛肉外，仲有椰菜、豆腐、金菇等等，非常豐富，用爐慢火座住，可以慢慢傾住偈食，野菜吸收晒豬骨湯，好味道。