影片
更多
2024-01-22
17 瀏覽
最近天氣開始轉凍，約左朋友一齊打邊爐諗住暖下個人。見T town呢間居酒屋有任食，就決定試下呢間。入到去環境都闊落，而且唔少人揀係度食晚餐。我地揀左極上安格斯牛小排套餐，平時食開辣野今次想清清地，於是湯底揀左北海道日出昆布豆腐鍋。店員會先送上肉類拼盤同鮑魚海鮮拼盤，然後可以自己再掃QR CODE落單。牛小排油脂分布平均，滿滿的牛肉香味；牛頸脊爽口有口感，咬落好滿足，係我個人最中意嘅肉類；牛板腱口感鮮嫩；豚肉就算碌耐左口感都唔會鞋。海鮮拼盤有鮑魚、蝦、帶子、魚滑同埋魚塊，鮮味十足。另外我地叫左芝士龍蝦，龍蝦肉先起好，再放係殼上鋪滿芝士後焗熟，濃濃嘅芝士香味，而且拆肉好簡單，對於我呢種不太擅長拆殼嘅人黎講真係好方便。龍蝦肉爽口陣牙，配搭芝士味真的一流。熟食我地嗌了午餐肉同天婦羅打個底，兩樣都係新鮮煎炸好，燙口但十分酥脆，很好食。蔬菜方面選擇都多，我地點了秋葵，娃娃菜，粟米，冬瓜，蘿蔔，萵苣，因為湯底唔辣而食到蔬菜本身嘅鮮甜味。飲品方面有盒裝飲品，支裝/冷萃烏龍茶，金銀菊及清酒，我揀了冷萃烏龍茶飲，茶味十足，忍唔住喝了兩大杯。今次同朋友真係食得好滿足，再係天水圍打邊爐嘅話都會揀返呢間！
入到去環境都闊落，而且唔少人揀係度食晚餐。
我地揀左極上安格斯牛小排套餐，平時食開辣野今次想清清地，於是湯底揀左北海道日出昆布豆腐鍋。
店員會先送上肉類拼盤同鮑魚海鮮拼盤，然後可以自己再掃QR CODE落單。
牛小排油脂分布平均，滿滿的牛肉香味；牛頸脊爽口有口感，咬落好滿足，係我個人最中意嘅肉類；牛板腱口感鮮嫩；豚肉就算碌耐左口感都唔會鞋。
海鮮拼盤有鮑魚、蝦、帶子、魚滑同埋魚塊，鮮味十足。
另外我地叫左芝士龍蝦，龍蝦肉先起好，再放係殼上鋪滿芝士後焗熟，濃濃嘅芝士香味，而且拆肉好簡單，對於我呢種不太擅長拆殼嘅人黎講真係好方便。龍蝦肉爽口陣牙，配搭芝士味真的一流。
熟食我地嗌了午餐肉同天婦羅打個底，兩樣都係新鮮煎炸好，燙口但十分酥脆，很好食。
蔬菜方面選擇都多，我地點了秋葵，娃娃菜，粟米，冬瓜，蘿蔔，萵苣，因為湯底唔辣而食到蔬菜本身嘅鮮甜味。
飲品方面有盒裝飲品，支裝/冷萃烏龍茶，金銀菊及清酒，我揀了冷萃烏龍茶飲，茶味十足，忍唔住喝了兩大杯。
今次同朋友真係食得好滿足，再係天水圍打邊爐嘅話都會揀返呢間！
張貼
