影片
更多
2019-08-30
496 瀏覽
呢間係天水圍既酒店開左兩年，住係天水圍既我都未去過，成日經過見到佢有半自助餐餐牌都幾吸引，又做緊8折優惠！今日終於同家姐同埋小朋友去試下先～聽聞總廚仲係之前hotel icon既副總廚😍環境都好新好闊落，岩哂帶小朋友去啊！見到餐廳都係以運球類活動做主題wor!幾得意，仲會播球賽，岩哂球迷黎食～睇睇餐牌先，有散叫同半自助餐既餐牌！我地叫左半自助餐燒牛肉眼扒配紅酒燒汁.焗薯及時蔬$228同香煎海瀘魚配意大利蕃茄醬$198 另外散叫左香煎帶子配青豆意大利飯$148 比小朋友食～等主菜之前就去食下自助餐既野先！都有好多選擇架～有餐湯面包，沙律，前菜，甜品，仲有飲品吧！未食主菜，小朋友已經見到甜品，佢又點會放過呢～即刻拎左啫喱同布丁食啊！我好鐘意食麵包布丁，仲可以自己加雲尼拿醬，正😍雪糕都好多味選擇，仲要係香港製造既雪糕😍冷盤都好多野選擇，幾款食左都味道唔錯架！沙律吧係我期待既一環～平時食沙律食唔到咁多配菜同醬汁，今次食返夠本！d野都好新鮮！餐湯有中西兩款～我飲左大蒜薯蓉湯都幾好飲，再配埋餐包點黎食～好正啊！飲品吧,凍熱飲都好多選擇！期待已久既主菜終於黎啦！呢個牛扒我地叫左5成熟，黎到都仲好熱辣
環境都好新好闊落，岩哂帶小朋友去啊！見到餐廳都係以運球類活動做主題wor!幾得意，仲會播球賽，岩哂球迷黎食～
睇睇餐牌先，有散叫同半自助餐既餐牌！
我地叫左半自助餐燒牛肉眼扒配紅酒燒汁.焗薯及時蔬$228同香煎海瀘魚配意大利蕃茄醬$198 另外散叫左香煎帶子配青豆意大利飯$148 比小朋友食～
等主菜之前就去食下自助餐既野先！都有好多選擇架～有餐湯面包，沙律，前菜，甜品，仲有飲品吧！
未食主菜，小朋友已經見到甜品，佢又點會放過呢～即刻拎左啫喱同布丁食啊！
我好鐘意食麵包布丁，仲可以自己加雲尼拿醬，正😍
雪糕都好多味選擇，仲要係香港製造既雪糕😍
冷盤都好多野選擇，幾款食左都味道唔錯架！
沙律吧係我期待既一環～平時食沙律食唔到咁多配菜同醬汁，今次食返夠本！d野都好新鮮！
餐湯有中西兩款～我飲左大蒜薯蓉湯都幾好飲，再配埋餐包點黎食～好正啊！
飲品吧,凍熱飲都好多選擇！
期待已久既主菜終於黎啦！
呢個牛扒我地叫左5成熟，黎到都仲好熱辣辣，切落去超多肉汁！好juicy~個紅酒汁都配埋好好!!
另外呢款香煎海瀘魚煎到個皮好香口！魚肉又滑，一點都唔腥，小朋友食左大半~特別要提下個蕃茄汁，煮得好好食！
帶子煮得岩岩好，易入口，個意大利飯用左青豆去煮，唔會太濕，小朋友都好鐘意食啊～
食完主食，緊係又要食甜品啦😝呢個海鹽味雪糕係靚靚既tiffany blue!好睇又好食～仲可以再加綿花糖同朱古力！
食得好輕鬆開心，侍應都好有禮貌 會再黎食~~
張貼
