Flat Mountain Cafe

營業中

休息中

位於天水圍西鐵站附近嘅Cafe，步行大約三分鐘就到，位置真係好方便🤩。餐廳設計得相當舒適，特別係有露天位，今天天氣涼涼地，坐喺外面感覺好放鬆，可以享受一下大自然嘅氣息😆。點咗個大啡菇既All day breakfast，入面有牛角包、牛油果、薯餅同埋蕃茄豆，呢啲都係傳統嘅配搭😎。大啡菇真係好Juicy，炒蛋口感滑溜。牛角包鬆軟，搭配埋牛油果🥑都好新鮮，薯餅夠哂脆，整體份量十足，真係好滿足☀️。再叫咗個軟殼蟹煙肉漢堡，漢堡裡面嘅軟殼蟹炸得金黃酥脆，煙肉嘅香味亦令整個漢堡更加豐富，口感層次分明。而且，配上番薯條，感覺係健康啲嘅選擇🤭！特別要讚一下餐廳嘅咖啡☕️✨。一杯係Baileys咖啡，另一杯係Oreo咖啡。Baileys咖啡帶有酒香，口感滑順，非常適合喜歡濃郁口味嘅朋友。而Oreo咖啡就更加特別，入面有雪糕，溶化後同咖啡混合，甜中又帶有咖啡嘅香味，啱晒唔想飲太苦咖啡嘅朋友仔👍🏻。