勵揚餐飲小食 (已搬遷) 新店位置

今日放工放好夜，住天水圍既人都知天水圍無野食之餘，如果夜左真係無咩選揀。之前食過幾次呢間都覺得佢幾好，所以今晚就揀左呢間。叫左個沙嗲金菇肥牛炒河。 我覺得味道係唔差既，好有獲氣既 ，但我覺得好少金菇同肥牛，就有好多河粉。所以感覺上成日都食緊d 河粉咁。之前食過d 椒鹽既小菜，我就覺得好好食同份量好多，我會推介大家食椒鹽既野。  價錢有上升過，但仍然覺得算合理。下次會再食，不過會叫埋椒鹽野食，哈哈！