天鳥居酒屋

營業中

休息中

天水圍都有日本嘢食，仲要質素好唔錯。呢間係用qr code落單，我覺得幾好，減少接觸又可以慢慢諗食咩。我地坐卡位好闊落。一坐低就留意到有個季節限定餐牌，即刻決定order北海道海膽壽司，海膽鮮甜，一啖食落口好滿足。另外都叫左小小壽司：芝士蟹子壽司、火灸三文魚壽司、火炙車海老沙律壽司。最中意係車海老，好鮮味又香口。雙重芝士大蝦反卷：濃味之選，唔使點豉油都夠味。串燒免治雞肉：雞肉混入脆脆嘅雞軟骨，口感幾好，點埋蛋黃同甜甜咸咸醬汁就更正。櫻花蝦海鮮炒飯：超級澎湃嘅櫻花蝦，鋪左半碟飯面。飯炒得乾身，配料有三文魚同蝦仁，加小小辣油好惹味。