泰聚 (已結業)

今日專登揸車入去天水圍食泰國嘢，裡面嘅環境幾靚，有室外及室內座坐，室外有暖氣提供，但係因為今日得九度所以都覺得幾凍，一行六人，所以我哋叫咗個六人餐，唔使諗，頭盤係金柚子蝦球沙律金柚子非常清甜爽口配合酸酸甜甜的醬汁非常開胃，蝦大隻，質感爽口，配合腰果非常一流，冬陰功湯，裏邊有兩隻開邊大頭蝦，味道酸酸辣辣，咁凍飲非常一流，仲有好多香菇、草菇索晒湯汁，非常好飲，之後嚟咗個小食拼盤，有雞翼、三串串燒、蝦餅、春卷、荷葉包雞、香茅餅，個雞翼最好食，其他一般！個通菜好嘢味，都幾大份！香草炒帶子，帶子麻麻哋，質感好林！咖喱炒蟹，咖喱汁好鹹，蟹唔係新鮮嘅，蟹肉與殻不分離醃肉碎生菜包，小辣，肉碎有啲酸酸既青檸檬汁味，好有泰國風味，幾好味原個南瓜海鮮飯，唔好食，佢好似去淸蒸個南瓜，之後放啲飯落去咁叫咗六杯香茅薑蜜熱飲，香芧味好出餐廳環境幾靚，服務人員一流，人手充足，上菜速度快及細心，份量都比較大，但係覺得有啲唔抵食，食咗＄2077