甘の季節

營業中

休息中

在天水圍嘉湖銀座行街購物都幾舒服, 空間感十足, 中西美食包羅萬有, 還有間甜品專門店, 小店雖然得幾張枱椅, 但是甜品種類非常多, 冷熱俱備。糖不甩 軟熟熱暖嘅糯米粉糰, 拌勻椰絲、花生碎粒和砂糖, 香甜可口。香菇豬肉燒賣 即叫即蒸, 細細粒燒賣, 香菇豬肉饀料好嫩滑, 加上辣油和豉油, 最佳配搭。草莓窩夫外形幾得意, 形狀似雪條, 窩夫沾滿草莓忌廉和餅粒, 口感甜滑。花生腰果合桃糊陣陣濃郁果仁清香, 口感順滑, 甜度適中, 營養豐富好滋潤。薑汁蕃薯糖水好傳統嘅糖水, 黃心蕃薯清甜鬆化, 還有薑汁清香, 滋潤可口。楊枝甘露 新鮮芒果肉好香甜, 柚子清爽加上椰奶嘅奶香, 口感豐富甜蜜。椰汁涼粉西米露 椰汁濃厚香滑, 涼粉爽口, 西米綿滑通透, 幾種口感好配合, 香滑透心涼。芒果奇亞籽冰 配搭幾新穎, 入口是香甜芒果夾雜著脆脆奇亞籽, 清爽又健康嘅飲品。紅豆冰 紅豆夠腍身, 配以香甜嘅椰奶, 甜度適中好涼快。