影片
更多
2022-12-08
132 瀏覽
屋企樓下平價日本菜母親大人話好耐冇同我食過飯，跟住我就帶佢落樓下食一間我覺得唔錯嘅壽司店，本身諗住帶佢食壽司郎，但由於等位太耐冇可能，而呢間都唔錯就選擇左呢間餐廳我哋叫到成枱都係嘢食，埋單都係$300多啲，有壽司刺身炸物甜品，位置都坐得舒服刺身我哋叫咗個豐之盛，入面有三文魚，甜蝦同埋帆立貝，刺身都算係幾厚，所以抵食另外散嗌咗一份厚切油甘魚，顏色好靚而且佢係厚切，所以味道唔錯鹽蔥原隻帆立貝壽司，本身我對帆立貝冇乜好感，食完之後我覺得改觀，好香好好食海膽三文魚子手卷，因為想食海膽所以就叫咗份海膽手卷，超級足料，媽咪見到都嘩一聲香辣日本和牛卷，呢個期間限定，味道超出色，而且價錢真心唔貴$36有三件，入面好足料有玉子，青瓜，蟹柳同埋好重要嘅和牛，和牛牛鮮嫩多汁，包喺飯入面再喺個面度放多一塊和牛再燒，好好食😋蒜蓉烤青口，呢個又係我好鍾意食，普通就咁嘅青口我係基本上唔會食，但佢呢個蒜蓉好多，再加埋沙律醬直落去唔會話有我好唔鍾意食嘅青味，超好食軟殼蟹即叫即炸，食落去好香脆熱辣辣，而且都算大隻，最緊要嘅係佢有膏架五式海鮮丼定食$62，呢個真心一個人份量唔算貴，佢除咗有個飯之外，仲包埋個湯同埋蒸蛋，個湯
母親大人話好耐冇同我食過飯，跟住我就帶佢落樓下食一間我覺得唔錯嘅壽司店，本身諗住帶佢食壽司郎，但由於等位太耐冇可能，而呢間都唔錯就選擇左呢間餐廳
我哋叫到成枱都係嘢食，埋單都係$300多啲，有壽司刺身炸物甜品，位置都坐得舒服
刺身我哋叫咗個豐之盛，入面有三文魚，甜蝦同埋帆立貝，刺身都算係幾厚，所以抵食
另外散嗌咗一份厚切油甘魚，顏色好靚而且佢係厚切，所以味道唔錯
鹽蔥原隻帆立貝壽司，本身我對帆立貝冇乜好感，食完之後我覺得改觀，好香好好食
海膽三文魚子手卷，因為想食海膽所以就叫咗份海膽手卷，超級足料，媽咪見到都嘩一聲
香辣日本和牛卷，呢個期間限定，味道超出色，而且價錢真心唔貴$36有三件，入面好足料有玉子，青瓜，蟹柳同埋好重要嘅和牛，和牛牛鮮嫩多汁，包喺飯入面再喺個面度放多一塊和牛再燒，好好食😋
蒜蓉烤青口，呢個又係我好鍾意食，普通就咁嘅青口我係基本上唔會食，但佢呢個蒜蓉好多，再加埋沙律醬直落去唔會話有我好唔鍾意食嘅青味，超好食
軟殼蟹即叫即炸，食落去好香脆熱辣辣，而且都算大隻，最緊要嘅係佢有膏架
五式海鮮丼定食$62，呢個真心一個人份量唔算貴，佢除咗有個飯之外，仲包埋個湯同埋蒸蛋，個湯絕對唔係好求其嘅麵豉湯，入面超多三文魚腩，仲有啲豆腐，而且佢唔會咸，真心絕對抵食
焦糖卡達拉娜，去唔到壽司郎都要食，都幾香焦糖味，唔會話好膩
兩個人叫到成張枱都係嘢價錢又唔貴，最緊要嘅仲係喺我屋企樓下咁近，我相信會變飯堂了
張貼
