Tea Library (已結業)

宜家飲品店開到成行成市，要揀一間好飲嘅真係唔容易㗎!早排我就喺中環試過一間主打天然健康嘅飲品，試過之後覺得好飲， 最緊要係夠健康tim!!!呢一間飲品店會用四種茶葉作為基底，每一日都有店員親手新鮮沖泡。而佢嘅所有茶葉係由兩間香港老字號入貨，絕對有信心嘅保證。 同埋我知道呢一間鋪頭唔會落糖漿或者任何有化學成份嘅物料，咁就夠曬天然健康啦!芝士黑朱古力珍藏普洱  $48我朋友就試咗一個芝士黑朱古力珍藏普洱，聽落去個配搭好新穎，但飲落去原來係好夾。首先呢一杯嘅飲品朱古力味好濃郁，唔會過甜。除咗朱古力味之外，仲飲得出好香濃嘅普洱味。而佢嘅芝士唔甜， 帶少少酸，撈埋成杯黎飲又係另外一種味道。芝士火龍銀毫茉莉龍珠  $48火龍果排毒美顏，茉莉茶就可以清心降火，未飲已經覺得好健康!火龍果汁好清甜，飲得出完全唔係化學嘅味道，而茉莉茶嘅清香亦都非常出色。