小豆島日本料理 (已結業)

平時較少嚟天水圍，咁岩約咗天瑞朋友搵食，發現原來天瑞都幾多餐廳，成個商場就似個food court咁。去到小豆島，門口係簡約嘅淡木色裝修，店內環境都算寬敞同大，坐到唔少食客。主打日式料理，主要食物包括壽司刺生，店員介紹最近店內推緊個單點壽司/刺生半價優惠，都幾抵食。首先上左刺身，點左三文魚、三文魚腩、帶子同油甘魚各一份，擺盤都好精美，刺身望落幾肥美，融雪岩岩好，入口都仲好新鮮。壽司都唔錯，叫左十款左右，餸同飯比例合理，其中芥辣八爪魚軍艦夠”攻鼻”，食到我同朋友都喊咁滯。另外佢哋都有唔少款式嘅小食，食完冰冷野想食番d熱野，就叫左炸蝦天婦羅，炸得唔錯，伴碟仲有炸菇幾juicy。