影片
更多
2022-05-29
1134 瀏覽
今日一田大減價，同屋企人去apm度買野，之前已經睇左觀塘有咩好食，屋企人話想食日本野，之後就搵到呢間離遠商場小小，喺商業大廈入邊嘅日本菜。餐廳選擇種類都好多，有刺身，壽司，串燒，熟食等等，而我地就揀左以下食物：特上九點壽司盛合～油金魚，赤身，三文魚，深海池魚，帆立貝，碎蔥吞拿魚腩，松葉蟹肉，甜蝦，原條鰻魚（＄228）：壽司用料好新鮮，而且魚生份量亦都大大件。而壽司飯亦都唔會鬆散。職員仲好貼心提醒我地首先食軍艦，因為紫菜會容易變淋，松葉蟹肉好鮮甜，帆立貝鮮味甘甜而肉質豐厚有彈性，甜蝦爽口又大隻，油金魚嘅魚油好香，深海池魚肉質鮮嫩肥美。天龍卷（＄98）：呢個造型真係好得意，佢係一條龍嘅造型，打卡一流，面頭係火炙三文魚和魚子，中間有天婦羅虎蝦，虎蝦夠曬大隻，而且爽口彈牙，火炙三文魚燒得好香，而且三文魚好肥美，配上自家制嘅微辣醬好滋味。明太子醬燒玉子（＄26）：本身好鍾意食玉子燒，但配明太子燒嘅就第一次試，原來玉子配上明太子有另一番風味，明太子嘅鹹香同玉子亦都好夾，玉子亦蛋味濃郁。香芒三文魚米紙卷（＄68）：呢款係時令推介，芒果同三文魚真係好夾，配上麻醬亦都好清新。三文魚頭連鮫（＄68）：呢嗰
餐廳選擇種類都好多，有刺身，壽司，串燒，熟食等等，而我地就揀左以下食物：
特上九點壽司盛合～油金魚，赤身，三文魚，深海池魚，帆立貝，碎蔥吞拿魚腩，松葉蟹肉，甜蝦，原條鰻魚（＄228）：
壽司用料好新鮮，而且魚生份量亦都大大件。而壽司飯亦都唔會鬆散。
職員仲好貼心提醒我地首先食軍艦，因為紫菜會容易變淋，松葉蟹肉好鮮甜，帆立貝鮮味甘甜而肉質豐厚有彈性，甜蝦爽口又大隻，油金魚嘅魚油好香，深海池魚肉質鮮嫩肥美。
天龍卷（＄98）：
呢個造型真係好得意，佢係一條龍嘅造型，打卡一流，面頭係火炙三文魚和魚子，中間有天婦羅虎蝦，虎蝦夠曬大隻，而且爽口彈牙，火炙三文魚燒得好香，而且三文魚好肥美，配上自家制嘅微辣醬好滋味。
明太子醬燒玉子（＄26）：
本身好鍾意食玉子燒，但配明太子燒嘅就第一次試，原來玉子配上明太子有另一番風味，明太子嘅鹹香同玉子亦都好夾，玉子亦蛋味濃郁。
香芒三文魚米紙卷（＄68）：
呢款係時令推介，芒果同三文魚真係好夾，配上麻醬亦都好清新。
三文魚頭連鮫（＄68）：
呢嗰燒到個皮又香又脆，而肉質嫩滑，唔會燒到乾哂，而且亦都多魚肉，三文魚有啲位置帶有肥膏，燒過更加滋味。
香檳葡萄梳打（＄32）：
職員好細心咁提示我地要攪拌左之後飲，如果唔係就會太甜。呢杯係朋友飲嘅，佢話梳打同葡萄嘅比例配合得好好，而葡萄味亦都好清新，而且唔會過甜。
白桃乳酸（＄32）：
未飲過呢個配搭，白桃同乳酸都好襯，酸酸地幾開胃，凍飲份量都幾大杯，都幾抵飲。
呢度嘅食物都好好味，而且職員亦都好有禮貌同細心，值得一讚，呢間餐廳遠離觀塘市區，食物質素又高，好適合同朋友過黎聚會，會推介俾身邊嘅朋友。
張貼
