太元樓

營業中

休息中

今日一家人嚟到太元樓，新店開張所以值得支持。乳鴿只係$28一隻，我哋叫咗兩隻，肉嫩皮亦脆。父母話有時食素對身體更健康，所以叫左脆皮素鵝，脆卜卜但一啲都唔油膩，第一次覺得蘿蔔青瓜配搭咁好味。獅子頭肉質超級軟腍，而且好大粒。小籠包雖然皮薄但夾起身唔會易爛，餡料肉嫩多汁。奶油津白既汁非常creamy，佐飯一流。海鮮炒飯炒得非常乾身，分量幾大，可以分到四大碗。最後叫咗雲吞雞1/4隻，入面有大量菜同雲吞。一開始要為雲吞雞嘅雞會好韌，點知食落幾嫩滑，湯底非常鮮甜，感覺冇味精。