影片
更多
2009-08-13
25 瀏覽
6月26日, 今日呀菲又黎搵我食飯~ 喺太古坊嗰頭, 食咗咁多間真係每間都可以話難食… 今日行經呢度, 見冇乜人, 雖然係貴過其他, 不過都冇抱任何期望去食, 但求飽肚~::: 蘑菇汁香煎豬扒意粉 + 什菜湯 + 熱檸茶 ::: $50蘑菇汁香煎豬扒意粉賣相麻麻~ 似係1pat汁淋面… 不過食落都幾香蘑菇味嘅~ d意粉就稍微淋咗d… 哈哈~ 唔知係咪因為我太耐無食過肉, 覺得d豬扒好好味~ 係薄切的, 唔算juicy, 但係夠晒淋而且有肉味~ 而且加咗好多椰菜, 味道甜甜同蘑菇汁好夾~ 唔錯! 什菜湯真係超多雜菜, 十分慷慨! 呀比話太多料~ 但我就覺得好豐富~ 熱檸茶不過不失啦.::: 碎蛋火腿猶太包 + 忌廉湯 + 熱奶茶 ::: $40唔知咩係猶太包所以叫咗黎試, 有4 小件 + 一堆沙律, 份量同DELI飯些差唔多. 所以加埋湯同餐飲感覺仲平d~ 忌廉湯唔錯, 似係用金寶粟米湯做底, 裏面有好碎細嘅粟米同甘荀, 味道幾好~ 猶太包好軟熟, 原本個餐係碎蛋火雞肉猶太包, 不過佢地冇晒火雞肉問我改火腿, 咁我就冇乜所謂. 碎蛋火腿好難唔好食, 不過d料就普通同求其咗d… 讚嘅都係
::: 蘑菇汁香煎豬扒意粉 + 什菜湯 + 熱檸茶 ::: $50
蘑菇汁香煎豬扒意粉賣相麻麻~ 似係1pat汁淋面… 不過食落都幾香蘑菇味嘅~ d意粉就稍微淋咗d… 哈哈~ 唔知係咪因為我太耐無食過肉, 覺得d豬扒好好味~ 係薄切的, 唔算juicy, 但係夠晒淋而且有肉味~ 而且加咗好多椰菜, 味道甜甜同蘑菇汁好夾~ 唔錯! 什菜湯真係超多雜菜, 十分慷慨! 呀比話太多料~ 但我就覺得好豐富~ 熱檸茶不過不失啦.
::: 碎蛋火腿猶太包 + 忌廉湯 + 熱奶茶 ::: $40
唔知咩係猶太包所以叫咗黎試, 有4 小件 + 一堆沙律, 份量同DELI飯些差唔多. 所以加埋湯同餐飲感覺仲平d~ 忌廉湯唔錯, 似係用金寶粟米湯做底, 裏面有好碎細嘅粟米同甘荀, 味道幾好~ 猶太包好軟熟, 原本個餐係碎蛋火雞肉猶太包, 不過佢地冇晒火雞肉問我改火腿, 咁我就冇乜所謂. 碎蛋火腿好難唔好食, 不過d料就普通同求其咗d… 讚嘅都係猶太包, 可以一試~熱奶茶唔好飲, 好澀嘅茶味…
其實, 都只可以用普通黎形容, 不過對比喺太古坊周圍, 呢都都算係可以入得口, 加上佢lunch time都唔係太多人, 我諗原因係佢食物平凡之餘價錢唔平. 如果唔想迫就可以黎食~
題外話, 佢門口個水簾裝飾真係好標誌! 呀菲一餐飯比佢呃咗大概三次以為出面落緊大雨…heehee
張貼
