阿詩瑪壹菌 (已結業)

M佬：講起雲南菜你會諗起咩？A姐：酸辣米線！！我要3小辣！！M佬：……中國嘅八大菜系，分別有川菜（四川菜）、魯菜（濟南菜）、粵菜（廣東菜）、淮揚菜、閩菜（福建菜）、浙菜（浙江菜）、徽菜（徽州菜），數嚟數去都無滇菜（雲南菜）嘅，唔通滇菜真係得米線？因為雲南嘅地理位置鄰近四川，所以菜式都好相似。而雲南屬於中國西南地區，氣候温和，雨量充足，物種豐饒，所以滇菜講究鮮嫩，選材以山珍、菇菌為主。今日就帶A姐去太古城阿詩瑪壹菌，試吓除咗酸辣米線嘅滇菜啦。雲南過橋米線A姐話食雲南菜，無米線佢真係接受唔到，所以嚟到阿詩瑪壹菌，佢話一定要食過橋米線。店員會先上一碗裝滿滾湯嘅大碗，再即時放入米線、薄豬肉片、薄雞肉片、菜等配料，所有食物都好新鮮，米線爽口細滑，湯底鮮甜，雞味濃郁，仲可以自行加入酸菜，令味道更醒胃。野菌山珍氣鍋雞作為滇菜嘅名菜，呢個氣鍋雞真係一啲都唔簡單，用上傳統嘅雲南燉鍋，再加入野菌、雞肉同瘦肉，而煮嘅過程唔加入水，所有湯汁全靠食材自身嘅水份同水蒸氣而成，絕對係夠晒珍貴又原汁原味。一打開蓋就聞到好香濃嘅菇菌味，湯汁香濃，鮮味十足，好好味呀！水煮魚片雲南版嘅水煮魚片，同四川嘅好唔同，湯底相對較清