佐賀山田 · 涮涮鍋 (已結業)

今日收工去咗AEON 呢邊行街，順便去買下啲日用品 買完之後就睇吓附近有咩食 我搵到呢一間評價都唔錯嘅日式shabu shabu 餐廳嘅位置喺AEON超級市場對面，都唔算好難搵，地鐵站接駁位都可以去到我哋今日就叫咗D餐！美牛三重奏！餐廳嘅格局同普通日式火鍋店都係差唔多，蔬菜，丸，醬料，甜品同埋飲品都係自助形式自取！蔬菜種類都幾多，而且睇落都幾新鮮！我就揀咗羽衣甘藍，同埋椰菜！飲品嘅種類亦都相當齊全，由於我哋呢一個餐係冇包到啤酒，今晚就健康啲，決定飲茶湯底方便我就揀咗壽喜燒，佢會配一隻日式雞蛋，湯底嘅味道好香甜，配上美國SRF和牛味道好夾！點埋雞蛋入口非常香滑！牛肉亦都非常油脂平均，每一塊都大大片，餐廳絕對唔會孤寒手軟每件既牛肉味非常香濃，絕對配得上呢一個價位！ 除咗肉類之外，我哋個set原來仲可以叫海鮮，個人私心比較推介既有佢嘅廣島蠔，每一隻都非常大粒，入口亦都非常creamy，唔會有好腥嘅味道！我哋仲叫咗少量熟食，炸雞就非常出色！每一件熱辣辣再點上佢嘅沙律醬，非常之match! 八爪魚丸亦都非常足料，入邊有八爪魚肉，咬落亦都非常香脆！甜品區我就食咗曲奇味嘅雪糕，都覺得幾好食，另外佢都