Apinara

營業中

休息中

Apinara餐廳室內設計以熱帶花卉圖案同裝修為主，營造出令人心曠神怡嘅用餐環境。採用手機點餐服務，方便又快捷。食物可以揀辣/唔辣；飲品仲可以揀甜度同埋少冰/走冰，好貼心。中午時份更有豐富午市套餐，包括湯、沙律、主菜、甜品同飲品，價錢只係由$188起，喺太古廣場入面嚟講都非常合理。我好鍾意食佢哋嘅「泰式雞肉炒金邊粉」順滑又帶些煙靭嘅河粉，配以炒蛋、豆芽菜、豆乾絲同碎蘿蔔乾，再加上鮮美嘅雞肉，旁邊仲有花生粒、砂糖同辣椒粉。每一啖都散發出酸甜微辣，真係「泰」滋味。「燒豬頸肉配白飯」係另一款令人食指大動嘅菜式。嫩滑嘅豬頸肉經過特殊嘅醃製同烤煮，保持了肉質嘅鮮嫩同豐富嘅口感；香氣四溢嘅泰國茉莉米同清爽嘅配菜，味道搭配和諧。「冬蔭功」湯底以辣椒、檸檬葉同香茅為基礎，加入鮮蝦同草菇，酸辣開胃。「泰式椰汁雞湯」帶有淡淡嘅椰子香氣，滋味順喉。雞肉、香茅同其他香料熬製出一碗層次感滿滿嘅濃湯，令人會一飲就唔想停落嚟。「精選沙律」係麻醬雞絲金菇沙律。雞絲份量頗多，沙律菜新鮮，金菇倍添咬口。「泰式炒通菜」簡單卻美味。通菜經過快速翻炒，保持蔬菜本身嘅脆爽，混入豐富調味料，非常惹味。「精選甜品」香芋紅豆椰汁糖水。