阿叔泰麵 (金殿臺漢宮閣)

營業中

休息中

去太古城探表哥，佢請我去附近嘅餐廳食越南菜，阿叔泰麵地方不算大，裝修簡約潔淨，冬陰功海鮮媽媽麵：湯底係自家製的冬蔭功湯，湯底非常惹味 ，味道香濃帶酸，唔會太辣。配料亦相當豐富，有青口、蜆、海蝦、魷魚、肥牛，魷魚界咗花特別精美又彈牙，麵條因為加左隻生雞蛋伴均勻，增加滑溜口感。街頭豬手飯：豬手口感軟諗入味，尤其係豬皮部份，肥而不膩，入口即化，滿滿骨膠原。生炸蝦餅即叫即炸，口感彈牙。泰式炸魚餅肉質扎實有彈性。椰汁西米糕：以斑蘭葉製成小盒，內放入西米、粟米、芋頭和濃郁的椰漿，口感清甜軟滑。七喜加埋冰底，冰涼解喝！