德國餐廳 (翠怡花園) (已搬遷) 新店位置

Das Bier舖面好多唔同裝飾，枱與枱唔會太近，坐落都好舒服。德國鹹豬手配酸菜及薯仔沙律 $218鹹豬手外皮鬆脆，皮與肉中間有層脂肪，令到肉質更加嫩滑，而咬落好腍，而食鹹豬手最驚係太鹹，而去做調味得啱啱好，所以食多幾甜都唔想太油膩。香草醬煙肉三文魚意粉 $128香草醬調味得很好，用鹽、芝士、香草等配味料調配，食落會有好香香草味，然後有淡淡的芝士味，三文魚好新鮮，脂肪比例好好。德式肉丸燴松露意大利飯 $138意大利飯好軟熟，而且落咗忌廉，所以食落好cream同有陣陣松露味，肉丸外脆內軟，口感一流。英式炸薯角 $55薯角新鮮炸起，送到熱辣辣，香脆可口，份量仲十分多。