梨滿園韓國料理 (已結業)

已經有好幾年無黎過太和啦，黎探完個老朋友之後好肚餓就睇下商場有咩好食啦幾年好似d鋪頭都唔同哂咁開左好多新既食肆啊🤓揀左呢間梨滿園韓國式既燒肉放題裝修都幾靚,光線充足裝修簡潔坐位寬敞雖然係有少少偏Hong Kong Style既韓燒但價格都好抵食,希望食物都唔錯啦我地一坐下店員就自動送上一籃新鮮生菜和燒汁醬油同前菜。🥹食物選擇都很多除左一稷就上台既幾款前菜外刺身除三文魚外都有好幾款選擇啊,質素都不錯唔會唔新鮮飲品就係出面雪櫃任拎，汽水同啤酒都有提供。燒肉呢就以美國牛肉為主，都有好唔同既多牛肉部位，好似牛肩肉啊，牛板腱，橫膈膜肉，安格斯一口牛粒，牛仔骨咁連牛舌同牛肝都有啊！肉類方面最鍾意牛肩肉同埋牛仔骨！😋海鮮有燒生蠔，海蝦，帶子，半殼帆立貝同埋魷魚等等。熱食如湯類都有好多，韓式海鮮煎餅大推！！好香足料唔粉，口感正做得算正宗！炒粉絲，拉麵同石鍋飯都有我地點左好多野慢慢燒！最後當然唔少食埋甜品雪糕啦👍🏻