影片
更多
2023-09-22
766 瀏覽
今日星期五我喺馬鞍山泳池游完水有啲肚餓諗住食啲嘢先返屋企。之前次次都係食海澄軒嗰間酒樓。今日就試吓去馬鞍山$10店隔離嗰間酒樓飲茶啦。我諗應該冇假日咁迫爆。我食個時間係早市大約9:30入座。我一行到過去，我發現佢冇好似禮拜六日咁成棚人喺出邊等位，但係都係有唔少人嘅都有十幾人等緊Number。我撳完票聽到叫號有冇一個人，咁我就即刻同佢講，即刻有得搭枱入座。入到去呢都冇人帶位，拉到一個manager問佢，佢用個頭昂去後面示意便離開。嘢都唔同我講句。跟住我搵到張唔係1號枱喺角落頭嘅大枱已經坐低咗兩pair人同埋一個單丁客。剩低嘅位唔多但勉強夠用。類似燒肉like咁小位。咁我嗱嗱聲落單，想食完即刻走啦，就攞張點心紙黎睇先。我見到個點心紙座得正價點心紙，咁我就唔知啦，我冇食開點知啫，咁咪攞點心紙填咗兩個要食嘅諗住交啦。跟住同枱嘅客人有個提我話有張特價點心紙平啲嘅。跟住我咪用嗰張紙再揀過跟住交咗個孖寶落單。我想講呢呢個過程入邊呢有幾個位已經令我幾嬲㗎啦，即係佢間餐廳安排我哋四家人坐同一張大枱，但係啲點心紙優惠點心紙唔放齊俾人用嘅，跟住筆就得一支，頭先我就係等另一個客人用完嗰支筆等咗好耐！因為我要再
我食個時間係早市大約9:30入座。我一行到過去，我發現佢冇好似禮拜六日咁成棚人喺出邊等位，但係都係有唔少人嘅都有十幾人等緊Number。
我撳完票聽到叫號有冇一個人，咁我就即刻同佢講，即刻有得搭枱入座。
入到去呢都冇人帶位，拉到一個manager問佢，佢用個頭昂去後面示意便離開。嘢都唔同我講句。
跟住我搵到張唔係1號枱喺角落頭嘅大枱已經坐低咗兩pair人同埋一個單丁客。剩低嘅位唔多但勉強夠用。類似燒肉like咁小位。
咁我嗱嗱聲落單，想食完即刻走啦，就攞張點心紙黎睇先。我見到個點心紙座得正價點心紙，咁我就唔知啦，我冇食開點知啫，咁咪攞點心紙填咗兩個要食嘅諗住交啦。跟住同枱嘅客人有個提我話有張特價點心紙平啲嘅。跟住我咪用嗰張紙再揀過跟住交咗個孖寶落單。
我想講呢呢個過程入邊呢有幾個位已經令我幾嬲㗎啦，即係佢間餐廳安排我哋四家人坐同一張大枱，但係啲點心紙優惠點心紙唔放齊俾人用嘅，跟住筆就得一支，頭先我就係等另一個客人用完嗰支筆等咗好耐！
因為我要再填嗰張單吖嘛，咁啱有個manager行過嚟收單,咁我問嘅manager借支筆，填兩個點心先啦。跟住佢係都唔俾我，仲扮聽唔到添，跟住佢就叫頭先交完單嗰人喂呀唔該借支筆俾佢！
間餐廳根本唔當客人係人㗎啦！根本就冇一個服侍客人嘅態度，要客人服侍佢！支cheap筆洗幾多錢呀，擺多幾支使死啊！錢就識收！
個座位係角落頭，好難等到人應我，想快啲走嘅，所以冇辦法，我行出去搵一個manager收單。如果唔係唔知叫幾耐先有個人過嚟收單！
冇幾耐我個蒜蓉蝦春卷就嚟咗。呢個菜品嘅味道都正常。。唔係我食過最好味嗰種。佢入邊係有啲林得滯佢個餡入邊，但係還可以啦。蒜蓉味食唔出。
我另外叫咗個鮑魚灌湯餃就等得都幾耐嘅，唔知有冇四個字。鮑魚灌湯餃，我諗整體算OK嘅，但係因為個孖寶我係比58.8未計+1。所以就咁呢隻餃都值三十幾蚊，咁又差緊啲。
放咗隻迷你鮑魚喺個灌湯入邊。味道OK嘅個餡去咗做類似蝦燒賣個餡嚟。我邊食都有邊飲個湯，個湯無乜味，飲多兩飲仲幾口渴，令我好懷疑究竟係咪要飲晒。最後我飲咗一半就走咗啦。
整體來講，呢呢間酒樓真係冇下次，我唔會再幫襯。連閑日嘅早市我咁樣食兩個點心雖然我嗌嗰個係貴少少嘅孖寶咁加埋茶錢同+1，我都要比$70 㗎喇！而且係咁惡劣嘅服務啦咁小嘅位啦！真係絕對唔會幫襯呢度囉！海澄軒嗰間係好好多！馬鞍山係選擇少啲嘅。之前uniqlo隔離嗰間又執咗。跟住要同區另外嗰兩間個質素我印象中都係麻麻地。
蒜蓉蝦春卷
11 瀏覽
1 讚好
0 留言
張貼
