OK德海南雞專門店 (天晉滙)

營業中

休息中

之前經過見到呢間嘢寫住海南雞飯專門店， 已經心旭旭想試下❤️因為我真係好鍾意食海南雞🥰🥰🥰🥰今次特登走過嚟食啦，入到去都唔使點等位，好多食客都係食海南雞飯或者食肉骨茶， 一場嚟到我梗係食海南雞飯先啦😆價錢中等唔算太貴， 60零蚊一個午餐，包一杯嘢飲算係咁啦😆講下海南雞嘅味道先，其實佢的海南雞都有雞味，不過佢比得太多雞胸我， 呢個有啲失望....真正滑嘅肉得2-3嚿，咁樣孤寒咗少少喎😆不過佢個油飯都算做得唔錯，食落都幾香口，都算合格啦😆感覺今次嘅海南雞都可以， 下次我會過嚟試埋佢嘅肉骨茶❤️❤️