Electric Ave (已搬遷) 新店位置

知道舖頭出年就會搬，所以都想盡快食多幾次，試多啲佢唔同嘅burger。聽老闆介紹話佢哋嘅lamb burger好得，對於我咁鍾意食羊嘅人嚟講，就梗係要試下啦。因為疫情，加上外賣有折，所以都係叫外賣。雖然係外賣自取，但都完全冇影響佢嘅水準，仲係熱辣辣，個包好鬆軟同埋好香，唔知係咪用牛油烘過呢。個羊好重羊味但一啲都唔蘇，同埋無筋又唔韌，咬落去啖啖肉同好juicy。再加埋佢啲醬汁，洋蔥同芝士，真係好豐富，好好味。最重要係佢個包夠哂大，所以就算無另加薯條都夠晒！但當然我有另加到佢啲特製薯條啦，因為佢啲薯條醬都好好味。