好媽媽台灣館 (已結業)

今次同朋友一行二人去咗太子食台灣菜, 我哋今次去咗呢一間個名叫做好媽媽嘅台灣菜館,佢嘅地理位置十分之優越,喺地舖之餘亦都十分之近太子地鐵站.  喺太子地鐵站行過去唔使五分鐘就可以到,如果唔想同朋友喺旺角迫夾嘅環境食嘢,呢一間餐廳係一個一流嘅選擇!我哋今次用餐叫咗五道菜式, 分別係台灣牛肉麵,木魚炸豆腐,鹵牛展,滷大腸,同埋櫻花蝦炒高麗菜.台灣牛肉麵牛肉麵內容有牛腩,牛展,紅蘿蔔,白蘿蔔同埋芽菜,呢道菜式嘅牛展同埋牛腩都好入味同埋蚊得好煙靭, 麵既質地做得非常之出色,口感彈牙有質感。 牛展夠咬口!入口嘅時候唔會好容易咁碎開,牛腩溫度恰到好處!入口嘅時候冇散開嘅現象,而且保持到牛肉纖維既質感!木魚炸豆腐呢一道豆腐菜式做得十分之出色! 呢道菜系配甜酸醬,蕃茄粒同埋青瓜絲, 豆腐嘅表面係配咗木魚然後經過油炸,做到外面香脆裏面嫩滑! 可見得廚師好畀心機去製作依道菜!鹵牛展啖啖肉夠咬口!肉質鮮甜,夠火喉, 咀嚼容易冇黐牙!滷大腸滷大腸切工好薄好出色,係食大腸但係完全冇肥利嘅感覺,好值得一題嘅就係大腸冇內臟嘅腥味! 櫻花蝦炒高麗菜高麗菜清甜爽口, 蝦米亦都有蝦米香, 但建議息嘅時候先將蝦米同高麗菜撈