影片
更多
2020-07-04
255 瀏覽
餐廳：便民腸粉 (太子)地址：太子界限街4-10號福群大廈地下5號舖對上一次行過深水埗同大角咀果邊，見到界限街有間新開半年左右嘅便民腸粉，超級平民價抵食😍，門口仲大大隻字寫住學生送手抓餅添（平時就咁叫一份都要$10架）餐廳唔算大，但勝在老闆娘好好招呼又親民☺️，一入到去就見到老闆每日用新鮮豬肉同咸蛋黃包嘅糭，突然諗起自己成個端午節都無食過糭，不如就叫返隻食下海南咸肉糭 $20咸肉糭煙韌多餡料，一夾開就見到豐富嘅豬肉同大大隻鹹蛋黃，就算唔洗蘸砂糖或者豉油都已經好好食👍🏼發財蠔豉鹹豬骨粥 + 叉燒腸粉 + 原味豆漿 $36呢個價錢就真係抵到爛🤩，足料豬骨粥煲得好綿滑，用料比例岩岩好，碗粥唔會因為蠔豉同鹹豬骨而變得好鹹；呢到嘅腸粉係用石磨手製方式去整，夠哂傳統，腸粉細滑米香濃郁😋，用嘅係甜豉油，仲可以見到好多蔥花同叉燒粒雞蛋腸 $15個人比較鍾意食叉燒腸，不過睇得出用左好多嘅蛋，岩哂素食嘅人😎手抓餅 $10手抓餅酥脆可口🌮，原來仲有得加錢夾芝士，黎得呢到要試下佢地嘅手抓餅，仲要唔會好油膩🤟，學生黎食就有福了海南粉 $35同老闆岩傾嘅關係，推介左我地食呢個餐牌上仲未有嘅家鄉海南粉，以米線做主打，
地址：太子界限街4-10號福群大廈地下5號舖
對上一次行過深水埗同大角咀果邊，見到界限街有間新開半年左右嘅便民腸粉，超級平民價抵食😍，門口仲大大隻字寫住學生送手抓餅添（平時就咁叫一份都要$10架）
餐廳唔算大，但勝在老闆娘好好招呼又親民☺️，一入到去就見到老闆每日用新鮮豬肉同咸蛋黃包嘅糭，突然諗起自己成個端午節都無食過糭，不如就叫返隻食下
海南咸肉糭 $20
咸肉糭煙韌多餡料，一夾開就見到豐富嘅豬肉同大大隻鹹蛋黃，就算唔洗蘸砂糖或者豉油都已經好好食👍🏼
發財蠔豉鹹豬骨粥 + 叉燒腸粉 + 原味豆漿 $36
呢個價錢就真係抵到爛🤩，
足料豬骨粥煲得好綿滑，用料比例岩岩好，碗粥唔會因為蠔豉同鹹豬骨而變得好鹹；
呢到嘅腸粉係用石磨手製方式去整，夠哂傳統，腸粉細滑米香濃郁😋，用嘅係甜豉油，
仲可以見到好多蔥花同叉燒粒
雞蛋腸 $15
個人比較鍾意食叉燒腸，不過睇得出用左好多嘅蛋，岩哂素食嘅人😎
手抓餅 $10
手抓餅酥脆可口🌮，原來仲有得加錢夾芝士，黎得呢到要試下佢地嘅手抓餅，仲要唔會好油膩🤟，學生黎食就有福了
海南粉 $35
同老闆岩傾嘅關係，推介左我地食呢個餐牌上仲未有嘅家鄉海南粉，以米線做主打，加上花生🥜、竹筍、鹹酸菜、豬肉碎等，仲有餐廳嘅秘製醬汁，撈勻黎食好惹味，無我想像中咁鹹，都幾吸引，仲要唔會好乾，係我嘅另一推薦食物❤️
兩個人食到飽一飽叫左三個人份量嘅野食先係每人六十零蚊🤣，真心會再返黎encore
張貼
