便民腸粉店

營業中

休息中

呢間鋪細細間，雖然唔起眼，但生意都幾爆。放假會約埋同學仔一齊幫襯，比較抵食，價格平民。哥哥同妹妹都中意食手抓餅🫓+腸粉，我中意食牛肉海南粉，海南雞連皮都爽口，好，我地3個大人3個小朋友食滿滿一大桌，埋單3百幾。值得推薦

一心想食石磨腸粉，睇左食評後都滿懷期待叫左兩款腸粉，鮮肉腸，冇乜肉都唔再係重點，係超難食，真係好失望，佢仲差過街邊10蚊腸粉，腸粉皮又厚又鞋又冇味另一雞蛋鮮肉腸仲差，食左兩淡真係冇哂心情再食，點樣先可以整到咁難食到咸骨發菜粥，應該叫咸骨發菜渣粥，發菜小得可憐，但唔緊要啦，我主力想食咸骨啫，但係佢只係普通一舊唔好味而且唔咸既豬肉排囉！到個海南粉，個汁*傑*到鼻涕咁就連個糯米雞裡面隻雞亦都係勁多毛咁樣做生意，過意得去嗎？野食整到咁差，作為廚師有冇尊重過d食物？真係未試過食到咁嬲，個個搵錢都辛苦㗎百7蚊埋單，得杯豆漿正常真係唔好咁冇良心啦，比d咁既野人食

作為一個海南粉打手，我終於搵到香港最正宗嘅海南味道啦😭，見到個賣相聽到啲文昌話就知一定冇嚟錯，食落口仲係嗰個味😭，而且又平又大碗，真係掛死我了。見到咁多人大熱天時排螺絲粉，真係好想同佢地講，不如嚟太子食海南粉啦，好食仲要唔洗排呀😭。✏️海南粉 $42 🍎9.5/10其實真正叫法應該係抱羅粉，可能用海南粉做噱頭會多啲人識掛🤔。哩一間冇用到海南米粉，而係用米線代替，前者較粗身有咬口啲，不過就算改用米線都唔影響佢嘅味道！因為係用牛骨熬製，所以個滷汁係鮮甜中帶酸，好開胃，如果再杰身啲就更好啦，不過依然好掛汁。配料有花生、酸菜同醃過嘅乾牛肉條，所有嘢一齊擺落口真係超滿足，特別係個牛肉條，好入味好juicy，真係其他地方搵唔到的味道，仲要先$40就有一大碗連豆漿，真係想日日都去食😭。✏️正宗海南豬骨湯米粉 $32 🍎8/10因為抱羅粉實在太好食，哩個湯粉即刻被比下去🤫。其實個豬骨清湯都係鮮味十足，有瘦肉、粉腸同豬潤做配料，如果鍾意食辣都可以加佢嘅自製辣椒醬，不過個人認為食海南粉最重要係食個湯同汁嘅鮮甜味，唔會食到成口味精個肚又唔舒服😋。✏️雞蛋鮮肉腸 $22 🍎8/10雖然係標榜石磨腸粉，但腸粉皮唔算好

一路好中意食腸粉，經過見到有間石磨腸粉，入去試下！佢嘅腸粉正常，口感都滑，不過仲係搵唔到細個食嗰種味道。環境好細，唔好太大期望，如果超鍾意環境好靚又乾淨嘅話呢個地方就唔啱啦，但如果你唔介意簡簡單單試吓食腸粉就得！

對海南粉心思思，上網見到呢一間舖有得食，又係市區，好方便。一入門就聽到熟悉既文昌話，好似返左海南咁。嗌左一碗豬肉海南粉，同雞蛋腸粉，仲有一杯豆漿。海南粉聞落係熟悉既香味，配料都十足，炒花生好夠火候。美中不足既係用左米線（好似係），食到一半有出水，滷汁就溝稀左。如果用返海南粉，應該會100分啦～食得太飽，雞蛋腸就冇咩感覺了😂😂😂😂豆漿幾香口～

呢間外貌毫不起眼的便民腸粉係朋友帶我黎食我先知，佢知我一直來試下鄒皮腸粉，我地就黎左食叉燒鄒皮腸粉，真係好滑！好食！不過餐廳坐得唔太舒服，比較焗促同埋枱好細，擺唔到太多餸，腸粉好食，建議外賣

|太子 低調海南菜專賣小店🍲|咁啱小JunJun行過見到佢有石磨腸粉賣鋪面唔大(落咗半邊閘)，唔係幾起眼架個日冇晒石磨腸粉，就試咗海南茶祼同手抓餅🍡海南茶裸 $8小JunJun茶祼食得多，唯獨海南茶祼真係未試過原來海南茶祼包有芝麻，椰子，花生，糖皮就有好多口味選擇(原味、甜、鹹、高樑、雞屎滕)，我就揀咗雞屎滕味茶裸重量級，有手掌心咁大，皮薄餡多個皮煙韌唔痴牙，雞屎滕味被饀嘅味道蓋過餡料好香，甜度爆登 (⚠️怕甜人士注意)，雖然好甜，但超香口又忍唔住食落去，建議share住食😋 味道: 5.5 /10🌮手抓餅 $10普通一塊可充肌煎餅唔難食，都唔特別超級市場買番屋企烘熱嘅質素學生買套餐可送手抓餅🧐 味道: 5/10😊 總結餐廳菜式幾有海南特色，香港都幾少有同類型餐廳，有機會都想試吓佢嘅海南粉同石磨腸粉，可能有意外收穫唔建議買手抓餅

朋友知道我喜歡食腸粉，特意介紹我去這間位於太子界限街的"便民腸粉店"試試，今日經過順路試下先。餐廳門口大大的宣傳介紹石磨腸粉-廣東非物質文化遺產，在傳統腸粉的基礎上融入現代綠色天然飲食主題，用傳統石門結合現代科技研發而成。海南粉 $35最新的地道出品，老闆娘介紹必試，色澤深味道香濃，有獨特的風味，老闆介紹如果係海南人的話就必定知道這個地道風味麵食，上面有自家製的牛肉亁、鹹酸菜和花生，而粉是爽口且軟軟的口感，口感味道十分豐富。套餐A：任何腸粉+發菜蠔豉咸豬骨粥 $36鮮蝦腸+$2粥夠料又唔稀，好夠味道。送豆漿，豆漿豆味濃，甜度適中。這款石磨腸粉，當然和平時食到的港式腸粉有一定分別，份量多、皺紋的外觀，好吸汁，口感煙韌不易爛，蝦腸內粒粒大蝦，彈牙又爽口，雞蛋鮮肉腸 $22另外再點了這款雞蛋鮮肉腸，加入了雞蛋和鮮肉，整體好豐盛，好一碟腸已經好滿足。自家製作海南鹹肉粽 $20老闆娘還介紹我們試他們自家製作的海南鹹肉粽，當中有咸蛋、五花腩、豬肉，好香口感一流添，當然仲可以外賣啦。

今日黎到太子，見有間便民腸粉，望入去覺得好街坊感覺，門口貼有茶果，想食下，就入去開餐先😘當晚差唔多7點，粥品同茶果都買晒，（最想食個樣冇得食添😅），咁店員就推薦海南粉，有牛肉絲，酸菜，花生，旬絲同虾米，似係比較多汁嘅撈米線，個汁唔咸但又夠味，（覺得個汁幾過引，就問下店員，原來是用鮑魚汁制的）都唔錯丫。牛肉腸同虾腸都加了蔥蒸的，熱辣辣，加埋甜辣醬就更好味😋仲叫了海南蒸糭，入面有一大舊豬肉，咸蛋，第一次食海南嘅糭，都唔錯啊！

想去海南島但而家又而家未有機會可以去到嘅朋友，不妨可以嚟便民腸粉，一嘗海南美食一入到去就有一大張餐牌睇晒有咩食，地方唔算太大，好有小店嘅感覺，而且有著古法傳統手工既美食，大家真係要支持下天氣熱辣辣，飲返杯凍豆漿就夠哂解渴，石磨豆漿果然係唔同d，真係好鬼死滑架呢碗海南粉真係係香港未見過上面有花生、芫荽、牛肉絲、酸菜，將佢哋同米線撈埋一齊食，個汁就甜甜地，成碗面都幾夾，因為有汁嘅關係成碗面其實一啲都唔乾，夏天食就啱晒啦我哋叫咗兩款茶果試吓，白色嘅係原味，綠色嘅就有雞屎滕味，好似去咗轉長洲咁入邊係有爆多花生粒㗎，出面就好煙銀我引頸以待嘅石磨腸粉終於嚟啦，腸粉皮真係好薄餡料我哋就揀咗豬肉，呢個都係出邊比較少嘅餡料你碗粥好有家嘅味道，粥都煲到好棉

餐廳：便民腸粉 (太子)地址：太子界限街4-10號福群大廈地下5號舖對上一次行過深水埗同大角咀果邊，見到界限街有間新開半年左右嘅便民腸粉，超級平民價抵食😍，門口仲大大隻字寫住學生送手抓餅添（平時就咁叫一份都要$10架）餐廳唔算大，但勝在老闆娘好好招呼又親民☺️，一入到去就見到老闆每日用新鮮豬肉同咸蛋黃包嘅糭，突然諗起自己成個端午節都無食過糭，不如就叫返隻食下海南咸肉糭 $20咸肉糭煙韌多餡料，一夾開就見到豐富嘅豬肉同大大隻鹹蛋黃，就算唔洗蘸砂糖或者豉油都已經好好食👍🏼發財蠔豉鹹豬骨粥 + 叉燒腸粉 + 原味豆漿 $36呢個價錢就真係抵到爛🤩，足料豬骨粥煲得好綿滑，用料比例岩岩好，碗粥唔會因為蠔豉同鹹豬骨而變得好鹹；呢到嘅腸粉係用石磨手製方式去整，夠哂傳統，腸粉細滑米香濃郁😋，用嘅係甜豉油，仲可以見到好多蔥花同叉燒粒雞蛋腸 $15個人比較鍾意食叉燒腸，不過睇得出用左好多嘅蛋，岩哂素食嘅人😎手抓餅 $10手抓餅酥脆可口🌮，原來仲有得加錢夾芝士，黎得呢到要試下佢地嘅手抓餅，仲要唔會好油膩🤟，學生黎食就有福了海南粉 $35同老闆岩傾嘅關係，推介左我地食呢個餐牌上仲未有嘅家鄉海南粉，以米線做主打，

深水埗有好多平民美食，今日反正出開太子，順道搵下附近有咩好嘢食😋平時去茶樓飲茶我都會叫腸粉，呢間鋪叫便民腸粉，主打嘅腸粉應該會唔錯喎。想試皺皮腸粉好耐，腸粉好好味！皮好薄，好好好滑，夾埋叉燒超正！價錢好經濟實惠，budget唔多嘅人黎食嘢叫多多嘢食都得，可以睇下餐牌：我地就食左以下嘅食物：海南撈面：材料豐富有牛肉、花生、酸菜、芫荽，超飽～海南糉：入面有鹹蛋同豬肉，食起黎鹹鹹地，幾有特色茶果及雞屎騰：超懷念，細個爺爺成日整

路經呢頭見鋪裡唔少食客，店外掛晒牌學生免費手抓餅，雖然我唔系學生，但都覺得系間街坊店，值得一試，所以就入去幫襯海南雞系海南經典特色菜今次呢間食店教識我咩系海南撈麵透過海南人傳承，自製嘅海南撈麵 ！🌹街坊精選：豆漿跟餐送、凡學生減$2，好有愛❤️👉🏻海南撈$35內有芫荽、自家醃牛肉乾條、花生、青蔥、自家醃鹹菜等加上自搭的醬汁製成一碗撈米線，獨特在他們的自家醃製醃牛肉乾條，似台灣滷肉的味道，咬口更實正，愈吃愈出味，鹹菜帶爽口少鹹，配搭米線非常夾👉🏻石磨雞蛋鮮肉腸$22蛋醬、石磨腸、肉醉、醉粒菜脯蛋味較特出，而冇加蛋嘅位置更滑嫩，皮帶點晶瑩透感，雖然我平時冇特別欣賞腸粉，但由它經石磨花功夫嘅製作，而配料亦十足，$22價錢絕對值得一嘗✍🏻枱面有胡椒粉、辣醬、甜醬提供其實布拉腸vs石磨腸分別系邊？布拉腸粉通常由粘米粉添加澱粉（澄面）、粟粉、生粉同水構成粉漿。石磨腸粉則用大米加水磨米漿。所以呢到嘅石磨腸粉系要特別細心處理，唔怪得知咁多食店擁入嚟呢間店都要幫襯老闊同伙記關係好好，會互相傾計，食店比較細間，坐位唔多，但爆棚都唔會覺得熱，係間親切嘅鋪頭，買溫情口味嘅平價食店，值得好好支持💪🏻🥰🌹

之前吃過這家小店，前身是間石磨腸粉店，現在仍然有腸粉供應，門口店員說還有海南小食，未吃過海南菜就進去醫醫肚。先喝杯冰涼的甜豆漿解暑。海南粉第一次吃這款粉。聽店員說，原來是海南特色、獨有的麵食。熱食的湯底，濃稠黏黏，味道帶點酸甜濃香，夏天吃挺開胃，佐醬可自行加辣椒醬，更加惹味。麵條是米線，加入花生、芫荽、葱花、豬肉絲、酸菜、香菜等食材，再拌入醬汁及香料。髮菜蠔豉咸豬骨粥豬骨熬製的粥品，加入蠔豉髮菜及豬肉，足料入味且綿綿的粥底。雞蛋腸粉份量多的皺皮米腸粉，跟平日吃的圓潤條狀腸粉不一樣。這款薄薄滑溜的多重皺褶，帶微微米香，再沾上蛋汁，灑上蔥花及醬油，雖然是簡單配料，但已經很滋味。

今日食左間主打海南食品既小店，好有驚喜呀💌💌💌❤️海南粉係海南著名小食，米粉加上清香鮮美的湯底，配上好多拌料，層次感豐富的味道，有牛肉乾絲、蝦米、筍絲、酸菜、花生，店員話要加一點海南小米椒，果然味蕾在跳舞。❤️人手石磨米漿整成既腸粉，抽屜式腸粉，揀左雞蛋🥚豬肉蔥花作為配料，由米漿捲成卷狀然後一段段，配以風味醬油，果然軟潤爽滑，入口彈口，回味無窮。❤️ 新鮮出爐的手抓餅，千層百疊，層如薄紙，熱辣辣好好食🤪🤪圓滾滾的茶粿黏在竹葉上，看著新鮮出鑪即刻要試番兩嗰先，茶粿大多會包入芝麻花生餡，軟糯煙韌不黏牙，另一個係海南雞屎藤，顏色黑黑，卻散發出一種獨特的清香，好好食喔。發菜蠔䜴豬骨粥好大碗，勁多豬骨，粥底好軟綿綿🤪粥材料豐富又下火，配埋隻海南粽，材料有豬肉，糯米、豬肉、蝦米、紅魚乾、鹹鴨蛋等兩者簡直係prefect match❤️