影片
更多
2024-08-20
928 瀏覽
竹面譜今次要介紹喺太子一間價錢好親民嘅小店叫「竹面譜」，最近佢哋做緊一週年大優惠，全單88折優惠，唔洗幫襯滿幾多都有88折優惠，可能係平絕太子！呢間小店門口都有一級，好彩我自備咗一塊斜板，入到去雖然見到小店店舖細細，卡位佔居多，好彩都有一張可移動式嘅枱，不過又係要小心「菠蘿蓋」，依家好多餐廳都鍾意買枱底好厚可以放餐具，呢種枱其實對輪椅人士有少少不方便，埋到枱之後緊係望餐牌，基本上好多飯餸都平過大x樂好多，最吸引我就係夢王頂級A5和牛飯，仲係由鹿兒島直送緊係叫啦！1.夢王頂級A5和牛(鹿兒島直送）$68+凍菜蜜$10（10/10）呢個夢王頂級A5和牛飯個和牛係由鹿兒島直送，店員話呢個係餐廳招牌菜，每日都會有好多人叫，碗飯面上鋪滿6大頂級A5和牛，每天和牛非常嫩滑唔乾身，再配一隻溫泉蛋，份量非常多，超滿足！飲品方面加$10叫咗凍菜蜜，甜度甜咗少少！2.蔥油香煎雞扒孖蛋飯（煎蛋）$39+熱奶茶$6（9/10）呢個蔥油香煎雞扒孖蛋飯個雞扒好香脆，大件到好似成人手掌咁大，仲有兩隻煎蛋，$39呢個價錢真係好難食到！飲品方面加$6叫咗熱奶茶，奶滑茶香，好好飲！3.脆炸鮮奶卷（4件）$28（10/10
今次要介紹喺太子一間價錢好親民嘅小店叫「竹面譜」，最近佢哋做緊一週年大優惠，全單88折優惠，唔洗幫襯滿幾多都有88折優惠，可能係平絕太子！
呢間小店門口都有一級，好彩我自備咗一塊斜板，入到去雖然見到小店店舖細細，卡位佔居多，好彩都有一張可移動式嘅枱，不過又係要小心「菠蘿蓋」，依家好多餐廳都鍾意買枱底好厚可以放餐具，呢種枱其實對輪椅人士有少少不方便，埋到枱之後緊係望餐牌，基本上好多飯餸都平過大x樂好多，最吸引我就係夢王頂級A5和牛飯，仲係由鹿兒島直送緊係叫啦！
1.夢王頂級A5和牛(鹿兒島直送）$68+凍菜蜜$10（10/10）
呢個夢王頂級A5和牛飯個和牛係由鹿兒島直送，店員話呢個係餐廳招牌菜，每日都會有好多人叫，碗飯面上鋪滿6大頂級A5和牛，每天和牛非常嫩滑唔乾身，再配一隻溫泉蛋，份量非常多，超滿足！
飲品方面加$10叫咗凍菜蜜，甜度甜咗少少！
2.蔥油香煎雞扒孖蛋飯（煎蛋）$39+熱奶茶$6（9/10）
呢個蔥油香煎雞扒孖蛋飯個雞扒好香脆，大件到好似成人手掌咁大，仲有兩隻煎蛋，$39呢個價錢真係好難食到！
飲品方面加$6叫咗熱奶茶，奶滑茶香，好好飲！
3.脆炸鮮奶卷（4件）$28（10/10）
小食就叫咗脆炸鮮奶卷，一咬落去好香脆，之後鮮奶就慢慢流出嚟，奶味香濃，必叫之選之一！
4.炸墨魚餅（3粒）+炸蜆蚧鯪魚球（3粒）$42（泰式甜酸醬）（10/10）
小食再叫咗雙拼，3粒炸墨魚餅同3粒炸鯪魚球，墨魚餅入面墨魚膠非常多，外面煎得好脆，至於炸鯪魚球非常大粒，可以形容為大過乒乓波，入面鯪魚膠超多，連細骨都無，對於鯪魚球我有一種恐懼，以前喺稻x食鯪魚球哽骨，最後要入急症室拎返條骨出嚟，太有心理陰影吧！
5.炸花枝丸（6粒）（沙律醬）$42（10/10）
呢個炸花之丸都好大粒，其實係炸墨魚丸，炸到外皮好脆，原來點沙律醬都幾好食！
2人總共價錢$235，88折優惠後$207
個人口味總評分：9.8/10
@cheukminpo
地址：太子荔枝角道68號地舖
Please follow me🙆♂️ @wheelchaireatinhongkong
如果鍾意我嘅分享，麻煩請follow我，仲有記得Like同Share！🙏🏻🙇🏻♂️
#竹面譜 #太子 #太子好去處 #太子美食 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
張貼
