賞島咖啡屋

營業中

休息中

太子賞島咖啡屋，在太子地鐵站行幾分鐘就到，室內室外都擺放左好多綠色植物，給人舒服既感覺。平日餐牌有lunch set提供，每款套餐配沙律或精選餐湯、主菜、飲品，非常抵食。南瓜湯：打得綿密細緻，食到南瓜蓉，灑上香草，味道搭配，沒有違和感。沙律：沙律菜新鮮爽脆，加左煙肉粒，咸香惹味，開胃前菜。咖啡燒汁烤豬仔脾：豬仔脾份量十足，烤得恰到好處，咬落去啖啖肉，肉汁豐富，可以點伴碟既咖啡粉食，特別滋味。西京燒比目魚：比目魚煎得好香，魚皮位帶香脆，魚肉嫩滑，燒汁更能帶出魚既鮮甜味；配上餐廳自家製薯蓉、咖啡菇、沙律菜，大滿足。香蕉芝士蛋糕：用香蕉打成蓉製成，芝士蛋糕香滑鬆軟，芝士味道濃郁，面層仲有焦糖效果。總結，餐廳位置便利，食物製作用心，配搭有創意，出色小店，性價比高。