鼎豐雞煲泰國菜 (已結業)

做完一日嘢，收工約咗女朋友喺太子擦返餐雞煲，呢間鼎豐泰國菜，顧名思義主打食雞煲+泰國嘢嘅fusion特色餐廳。值得一提嘅係舖頭面積幾大，座位相當寬敞，枱與枱之間有一定距離，食食下飯唔會怕聽到隔離枱講乜，私隱度夠晒高。鼎豐招牌雞煲 (半隻) $188糾結咗好耐應該嗌半隻/一隻，最後唔敢太狼死，嗌半隻就算。呢煲係微辣，辣度可以接受，整體唔會太淡味。雞肉嘅肉質好嫩滑，索晒醬汁好惹味！安格斯牛小排($178)打邊爐梗係要嗌牛肉啦，今次嗌咗牛小排。牛味足，肥瘦適中，油花比例同埋紋理分布好靚。墨魚滑($88)女朋友同我都好鍾意食墨魚滑，墨魚食得出係新鮮、手打，夠晒彈牙，食得滿足。即炸魚皮($63)即炸魚皮夠晒熱，好香口，沾湯食一流。唐生菜($38)皇帝菜($38)泰式炸蝦餅($92)雞煲fusion泰國菜，叫返個蝦餅試下手勢。蝦肉幾彈牙，口感唔錯！水蜜桃梳打+青檸梳打($42/$36)