影片
更多
2022-07-13
2276 瀏覽
名寶石餐廳(17/5) 星期二 下午5:30點左右特式：呢間西餐廳都相當出名，一入到去有一種好懷舊嘅情懷，好似返左去80年代既感覺，雖然佢係有重新裝修過，但情懷都仍然保留。食物：大蝦牛柳套餐 - 講得懷舊，個餐當然一如以往包餐包/餐湯/茶/甜品。餐湯 - 有紅/白兩款，因應你自己口味去選擇，我就揀左紅湯，佢個羅宋湯並唔係話好飲到驚為天人，但一飲就會係心入面浮現出似曾相識嘅感覺，好似細細個飲嗰個味道。餐包 - 一般呢d餐包，我相信大家都唔會有咩期待，佢水平正常，起碼唔係某大型連鎖店嗰d硬梆梆可以掉死人個隻。主菜 - 佢唔似其他舊式扒房係用鐵板上，佢係用碟上的，牛柳要左5成，好嫩滑，一d都唔會乾唔會un，隻大蝦應該唔係咩新鮮野，但都唔係平價貨，佢成隻都煎香晒，連殼都可以食埋。餐飲 - 都係正常可選擇的咖啡或茶，無乜特別。甜品 - 當日係啫喱，我唔知佢會唔會有時變下，都無特別，就係普通羅拔臣啫喱咁嘅味道。環境：餐廳環境高級，坐得好舒服，又唔嘈，感覺似酒店西餐廳咁既feel。服務：服務態度好好，開頭以為呢啲舊式西餐廳d職員會好老屎忽，服務一定麻麻，點點知又唔係，佢地好有禮物又有善。價錢：人均大
(17/5) 星期二 下午5:30點左右
特式：呢間西餐廳都相當出名，一入到去有一種好懷舊嘅情懷，好似返左去80年代既感覺，雖然佢係有重新裝修過，但情懷都仍然保留。
食物：
大蝦牛柳套餐 - 講得懷舊，個餐當然一如以往包餐包/餐湯/茶/甜品。
餐湯 - 有紅/白兩款，因應你自己口味去選擇，我就揀左紅湯，佢個羅宋湯並唔係話好飲到驚為天人，但一飲就會係心入面浮現出似曾相識嘅感覺，好似細細個飲嗰個味道。
餐包 - 一般呢d餐包，我相信大家都唔會有咩期待，佢水平正常，起碼唔係某大型連鎖店嗰d硬梆梆可以掉死人個隻。
主菜 - 佢唔似其他舊式扒房係用鐵板上，佢係用碟上的，牛柳要左5成，好嫩滑，一d都唔會乾唔會un，隻大蝦應該唔係咩新鮮野，但都唔係平價貨，佢成隻都煎香晒，連殼都可以食埋。
餐飲 - 都係正常可選擇的咖啡或茶，無乜特別。
甜品 - 當日係啫喱，我唔知佢會唔會有時變下，都無特別，就係普通羅拔臣啫喱咁嘅味道。
環境：餐廳環境高級，坐得好舒服，又唔嘈，感覺似酒店西餐廳咁既feel。
服務：服務態度好好，開頭以為呢啲舊式西餐廳d職員會好老屎忽，服務一定麻麻，點點知又唔係，佢地好有禮物又有善。
價錢：人均大約250左右。
總結：當大家想搵返一d懷舊嘅感覺，就會去飛鷹/金鳳/莎樂美呢類餐廳，因為佢地會平過名寶石，可能只係一半價錢，但如果齋講環境同食物質素，我只可以話呢一倍既價錢係比得物有所值。
大蝦牛柳餐
$248
97 瀏覽
0 讚好
0 留言
牛柳鱈魚餐
73 瀏覽
0 讚好
0 留言
43 瀏覽
0 讚好
0 留言
34 瀏覽
0 讚好
0 留言
張貼
