桂月 (已結業)

年廿八約朋友食飯，朋友推介位於深水埗的桂月。餐廳名字看似詩情畫意，但其實喺主打懷舊工業風的多國菜酒吧，一入內已經見到有個充滿特色的開放式吧檯，牆上掛滿黑膠唱片，配上餐廳播放嘅懷舊金曲，復古味道十足。<兩人套餐> $568此為星期五至日及公眾假期前夕的價錢。前菜有凱撒沙律同埋南瓜湯。配料豐富，除咗有蒜蓉麵包粒、煙肉碎，仲有唔少芝士碎，調味得宜。南瓜湯creamy質素正常。香烤檸檬瑪利法國春雞香辣鮮蜆意大利粉+$30主食分別揀咗香烤檸檬瑪利法國春雞&香辣鮮蜆意大利粉。法國春雞肉質滑嫩，切開肉汁不斷滲出嚟，連平時食落較嚡的雞胸部位都覺得幾嫩滑，廚師功夫到位。另外我哋額外加$30叫咗香辣鮮蜆意大利粉，其實唔算好辣，意粉爽口，醬汁輕盈，正好能突出蜆肉鮮味。廚師推介甜品我哋揀咗廚師推介甜品，就係2個慕絲cake+曲奇雪糕，味道不過不失。Cranberry juice二人餐本身包埋soft drinks，叫Mocktails就要加多$30，而叫Cocktails 同其他餐酒就收番正價。cranberry juice 口感偏酸甜，清新開胃。