影片
更多
2018-06-18
105 瀏覽
「今晚食咩好」一直都係千古難題黎，尤其係我呢種有選擇困難症既人。呢晚我同另一個朋友又遇到呢個難題啦，不過據聞太子呢兩三年開左好多新野食，去個頭打個轉，應該唔難搵到答案。係地鐵站一出黎，就離遠見到有間餐廳門口放左張枱做擺設，上面有收音機，擔緊遮既貓頭鷹，仲有個旋轉木馬轉緊，洋溢緊一股童真既味道。行去餐廳門口望入去，裡面坐無虛席，咁多人食應該自有引人入勝之處。反正未食過，咁岩有位唔使等，咁就不如一試了～典型既西餐為主既Café，個MENU仲好有心思咁有個立體摺紙既蛋糕，配埋柔和既音樂同精緻既裝修，成間餐廳都有濃厚既愉快輕鬆氣氛，難怪隔離枱放工的OL姐姐們傾得咁暢快。我叫左個晚餐SET，升級左特飲同CAKE，$200樓下有湯有野飲有甜品，算幾抵食。同朋友再加幾個小食，務求要滿載而歸！價錢唔係問題，我更加關心既係食物既質素到底如何。打頭陣既忌廉湯，濃度合適得黎又均勻，就咁聞都有好濃忌廉香味，再落D黑椒係面，兩種味道既化學作用非常奏效。試飲一口，香濃creamy口感加上黑椒既微辛，係令人振奮既美味。我忍住岩岩出鍋既熱度，一啖接一啖咁吞哂碗湯，爽！舌頭炙熱到有點痛之際，救星黎啦──玫瑰益力多梳打正
係地鐵站一出黎，就離遠見到有間餐廳門口放左張枱做擺設，上面有收音機，擔緊遮既貓頭鷹，仲有個旋轉木馬轉緊，洋溢緊一股童真既味道。行去餐廳門口望入去，裡面坐無虛席，咁多人食應該自有引人入勝之處。反正未食過，咁岩有位唔使等，咁就不如一試了～
典型既西餐為主既Café，個MENU仲好有心思咁有個立體摺紙既蛋糕，配埋柔和既音樂同精緻既裝修，成間餐廳都有濃厚既愉快輕鬆氣氛，難怪隔離枱放工的OL姐姐們傾得咁暢快。
我叫左個晚餐SET，升級左特飲同CAKE，$200樓下有湯有野飲有甜品，算幾抵食。同朋友再加幾個小食，務求要滿載而歸！
價錢唔係問題，我更加關心既係食物既質素到底如何。打頭陣既忌廉湯，濃度合適得黎又均勻，就咁聞都有好濃忌廉香味，再落D黑椒係面，兩種味道既化學作用非常奏效。試飲一口，香濃creamy口感加上黑椒既微辛，係令人振奮既美味。我忍住岩岩出鍋既熱度，一啖接一啖咁吞哂碗湯，爽！
舌頭炙熱到有點痛之際，救星黎啦──玫瑰益力多梳打正式登場！白色既梳打配上紫桃色花瓣，外觀已經加好多分。味道更為精彩，益力多本身酸甜味道就同梳打非常合拍，刺激但又順滑既口感，加上玫瑰風味，好似係甜同酸之間掙扎緊同時，一股清新既小確幸。
再黎細評各項食物。田園沙律配料幾新鮮，沙律汁係濃味醋調配而成，整體食起來清脆爽口。黑松露薯條落既係貨真價實既黑松露顆粒，而佢地都掌握到精髓，落少少就夠味。薯條炸到香脆可口，但又冇油益味，證明掌握火候及時間恰到好處。芝麻雞翼入口鬆化，脆皮配上多汁雞肉，加上秘製調味料炸製，非常可口。墨魚餅就偏向有咬口Ｄ，炸皮咬落去先有「卡滋」既響聲，之後係接踵而來既餅、墨魚顆粒同醬汁，配上甜酸醬味道，激發濃郁香味，口感十分豐富。輪到最後主食蟹肉蟹棒南瓜汁燴意大利飯，而南瓜同蟹味既組合雖然聽落奇怪，但又出奇地夾。意大利飯香濃順滑，南瓜甜味加上忌廉配合意大利飯製作方法悶焗出非常濃既香味，加上蟹籽係口中破裂既口感，為成道菜畫龍點晴，相當充實有趣。
完美既一餐點可以少左甜品呢！我叫左大理石芝士蛋糕，仲有隻貓咪伴碟陪我食添！蛋糕質素唔錯，濃郁厚實，甜味滿點，入面又唔會太乾唔會散，整體上做得唔錯。一路望住佢一路食，仲有種講唔出既親切感。
個人覺得呢間CAFÉ值得推薦，不論食物味道，氣氛定服務，都相當有質素。有機會一定會再試！
忌廉湯
4 瀏覽
0 讚好
0 留言
玫瑰益力多梳打
10 瀏覽
0 讚好
0 留言
黑松露薯條
21 瀏覽
0 讚好
0 留言
芝麻雞翼
10 瀏覽
0 讚好
0 留言
田園沙律
8 瀏覽
0 讚好
0 留言
蟹肉蟹棒南瓜汁燴意大利飯
18 瀏覽
0 讚好
0 留言
大理石芝士蛋糕
11 瀏覽
0 讚好
0 留言
墨魚餅
12 瀏覽
0 讚好
0 留言
張貼
