慢煮工業 (已結業)

呢間餐廳開咗好多年，一直未試過，趁之前happy friday去試試啦。餐廳裝修都幾用心，有啲工業風同埋成個氛圍都幾浪漫，枱面仲有幾朵玫瑰。雖然餐廳以慢煮為主，但係嘢食都上得好快。尊享烤肉盛宴A (2人享用) $368成日都有選擇困難症，有2人餐就好啦，唔使煩惱。煙三文魚配鮮果醋醬沙律三文魚擺到一朵花咁，好有心思，沙律菜份量都唔少，非常解膩。安格斯西冷牛扒慢煮嘅牛扒有個優點就係可以鎖住肉汁，牛扒saucing好惹味。美式蜜糖芥末豬仔骨 (四件)豬仔骨肉質好滑，骨肉分離好容易就切開。芝士通心粉加咗黑松露本身已經好濃味，再加上芝士嘅濃稠，令到通心粉好掛汁，食到舔舔脷。士多啤梨伏特加酒味唔算好濃，士多啤梨酸酸甜甜容易入口。荔枝接骨木花特飲荔枝味好出，成杯飲品都好清香。