鍾爺爺海鮮火鍋刺身專門店

營業中

休息中

今日同朋友仔去太子食飯，平時火鍋都會寧願去任食嘅，因為單點好貴唔捨得去，不過呢間嘅價錢相對嚟計比較親民，而且見食物賣相都唔錯，所以決定試試佢。湯底要咗個鮮茄薯仔牛坑腩鍋，呢間出面比較少見，有齊菜、主食同肉嘅配料。番茄酸甜，薯仔都有幾塊，反而牛坑腩份量最多，煮至軟身，老少咸宜，估唔到幾好味。見每枱都有碟響鈴所以都叫咗份，原來係餐廳自己即叫即整嘅，上枱時熱辣辣，超級脆身，記得要趁熱食，旁邊仲有個酸甜醬可以點，懷疑自己一個人都可以清曬。另外個香辣魚皮都唔錯，夠薄身而且好入味。呢度仲有唔少炸物，可惜太飽無食到。肉肉有順德魚滑、魚蛋同脆鯇片，份量好多，食落新鮮。菜都有唔少選擇，整體感覺唔錯。