八一蕃巴蜀烤魚店 (砵蘭街) (已結業)

又食烤魚啦~ 今次黎到太子試一試呢間既烤魚，佢既烤魚採用新鮮魚現烤❤️🔎 酸菜味烤魚-海鱸魚原條（$288）我地就揀左酸菜味烤魚-海鱸魚原條，因為海鱸魚比較少骨~烤魚本身係唔辣嘅，但可以加辣，我地就揀左BB辣。烤魚配料有大豆芽、芹菜、洋蔥🧅、酸菜同粉條等～ 海鱸魚食落有魚味，仲有孜然既香味，完全唔會腥👍🏻🔎 牛柳串（$20）牛柳肉質冧滑，唔會韌同嚡～🔎 雞肉串（$20）雞肉肉質嫩滑，食落juicy～🔎 冰鎮酸梅湯（$59）酸梅湯飲落酸酸甜甜，清新解膩～