影片
更多
2022-07-26
86 瀏覽
成日都會去旺角食Cafe，今次嚟到太子試吓呢間純白Cafe，個名叫做等，感覺好文青！咁就入咗去試吓啦，服務就普通啦，明明叫咗兩個set但個湯都唔記得上，提咗幾次先記得🤣🤣店員唔係好夠醒目但食物係OK。每個主食可以加$68轉做套餐，有湯麵包同埋包一杯有等logo嘅嘢飲，另收加一服務費。🍴粟米湯 蒜蓉包 +$68升級加湯，麵包同嘢飲 (7/10)粟米湯非常濃郁多料，每一間都係滿滿嘅粟米蛋花同埋椰菜花？口感真係好豐富紮實，飲落就甜甜地都有粟米味嘅，真係好飽肚，第一次見餐湯係可以咁多料咁濃杰🤣蒜蓉包有少少燶咗，但都好香脆有蒜蓉味嘅都唔錯。🍴 煙三文魚波菜忌廉意粉 $108 (6/10) 另收加一煙三文魚份量都幾多，有成四舊，仲有啲三文魚子，三文魚有啲熟咗，偏鹹少少🤣三文魚子就唔會腥，意粉係扁意粉煮得啱啱好嘅，但個味道偏鹹咗啲，忌廉味唔夠香濃，冇乜奶味，成個意粉真係鹹鹹哋，菠菜就正正常常，呢個我就麻麻哋啦😂🍴 松葉蟹肉燴飯 $138 (8.5/10) 另收加一有個蟹蓋，三隻蟹鉗，下面係蟹肉忌廉嘅risotto，冇諗過蟹蓋入邊竟然有蟹膏🤩真心好驚喜，個蟹膏嘅味道都幾香濃鹹鹹地，有啲似韓國便利店買到
每個主食可以加$68轉做套餐，有湯麵包同埋包一杯有等logo嘅嘢飲，另收加一服務費。
🍴粟米湯 蒜蓉包 +$68升級加湯，麵包同嘢飲 (7/10)
粟米湯非常濃郁多料，每一間都係滿滿嘅粟米蛋花同埋椰菜花？口感真係好豐富紮實，飲落就甜甜地都有粟米味嘅，真係好飽肚，第一次見餐湯係可以咁多料咁濃杰🤣蒜蓉包有少少燶咗，但都好香脆有蒜蓉味嘅都唔錯。
🍴 煙三文魚波菜忌廉意粉 $108 (6/10) 另收加一
煙三文魚份量都幾多，有成四舊，仲有啲三文魚子，三文魚有啲熟咗，偏鹹少少🤣三文魚子就唔會腥，意粉係扁意粉煮得啱啱好嘅，但個味道偏鹹咗啲，忌廉味唔夠香濃，冇乜奶味，成個意粉真係鹹鹹哋，菠菜就正正常常，呢個我就麻麻哋啦😂
🍴 松葉蟹肉燴飯 $138 (8.5/10) 另收加一
有個蟹蓋，三隻蟹鉗，下面係蟹肉忌廉嘅risotto，冇諗過蟹蓋入邊竟然有蟹膏🤩真心好驚喜，個蟹膏嘅味道都幾香濃鹹鹹地，有啲似韓國便利店買到嗰一隻，蟹鉗個肉質就比較淋少少正正常常，個忌廉燴飯呢真係好香忌廉味，仲有蟹肉絲同埋洋蔥，加埋蟹膏落去撈飯鹹鹹香香，都幾香幾好食！
🍴 iced cappuccino (7/10)
係凍咖啡加咗奶泡喺上面，咖啡都幾易入口咖啡味好香奶好滑，都唔會太苦太濃，啱啱好，幾容易入口。
推薦指數: 7.5/10
忌廉菠菜三文魚意粉就可以唔使叫，但係個蟹肉燴飯就好有驚喜好好食，價錢都唔算貴，呢個價錢呢個質素覺得都食得過，下次都會再嚟試吓，咖啡可以試吓叫熱嘅可能會更加有驚喜，但因為天氣太熱啦唔叫凍真係搞唔掂。
張貼
