影片
更多
2024-09-13
114 瀏覽
俾我搵到價錢停留喺幾年前嘅良心小店！！食A5和牛仲有極少有夢王蛋都只係70有找！再滋補啲花膠冬菇都係70有找！咁平邊度有？呢度就有！小店由新蒲崗起家, 擴張到太子都秉承住做街坊生意嘅初心. 價錢極之貼地親民, 太子呢間分店仲攞到夢王蛋代理, 以貼地嘅價錢提供絕對優質嘅食材比班街坊, 真係值得稱讚👍👍夢王蛋係日本少數刺身級雞蛋，連續幾年攞獎。蛋黃顏色呈現夕陽橙，比起其他蛋黃有明顯分別。蛋味超級濃郁，拌飯一流。但我個人比較鍾意食流心蛋，所以就算唔叫和牛蛋拌飯都要整返隻試吓😋另外值得推介仲有鮑汁冬菇花膠鍋。未見過咁大隻冬菇花膠😳足足有成四五大塊足料到爆！湯底超級好飲，唔口渴，無味精！我忍唔住不停一啖接一啖！甜品記得要叫埋炸鮮奶卷。外面嗰層似炸饅頭質地，奶香濃郁，唔點煉奶都超級好食。記得要試埋佢哋誠意滿滿嘅自家製涼茶下下火tim 😋良心小店一定會再回頭幫襯👍✨
小店由新蒲崗起家, 擴張到太子都秉承住做街坊生意嘅初心. 價錢極之貼地親民, 太子呢間分店仲攞到夢王蛋代理, 以貼地嘅價錢提供絕對優質嘅食材比班街坊, 真係值得稱讚👍👍
夢王蛋係日本少數刺身級雞蛋，連續幾年攞獎。蛋黃顏色呈現夕陽橙，比起其他蛋黃有明顯分別。蛋味超級濃郁，拌飯一流。但我個人比較鍾意食流心蛋，所以就算唔叫和牛蛋拌飯都要整返隻試吓😋
另外值得推介仲有鮑汁冬菇花膠鍋。未見過咁大隻冬菇花膠😳足足有成四五大塊足料到爆！湯底超級好飲，唔口渴，無味精！我忍唔住不停一啖接一啖！
甜品記得要叫埋炸鮮奶卷。外面嗰層似炸饅頭質地，奶香濃郁，唔點煉奶都超級好食。記得要試埋佢哋誠意滿滿嘅自家製涼茶下下火tim 😋
良心小店一定會再回頭幫襯👍✨
張貼
